Վիրալի Մոդի

Վիրալի Մոդի^[3] (անգլ.՝ Virali Modi, սեպտեմբերի 29, 1991(1991-09-29)^[1], Մումբայ, Հնդկաստան^[2]), հաշմանդամություն ունեցող անձանց իրավունքների ակտիվիստ և մոտիվացիոն խոսնակ Հնդկաստանից^[4]։ Նա իր երիտասարդության մեծ մասն անցկացրել է Միացյալ Նահանգներում, սակայն Հնդկաստան կատարած այցից հետո մալարիայով վարակվելու պատճառով կոմայի մեջ է ընկել^[5]։ Նա ողջ է մնացել, բայց այլևս չի կարողացել քայլել^[6]։ 2014 թվականին երկրորդ տեղն Է զբաղեցրել «Միսս Հնդկաստան անվասայլակով» մրցույթում և արդյունքում մեծ թվով երկրպագուներ է ձեռք բերել սոցիալական ցանցերում^[3]։ Նա հանրագիր է ստեղծել Change.org «Հնդկական երկաթուղիներում հաշմանդամների նկատմամբ բարյացակամության միջոցառումների իրականացում» (անգլ.՝ Implement Disabled Friendly Measures in Indian Railways) խորագրով^[7]։

Վիրալի Մոդի անգլ.՝ Virali Modi
Ծնվել է	սեպտեմբերի 29, 1991(1991-09-29)[1] (32 տարեկան)
Ծննդավայր	Մումբայ, Հնդկաստան[2]
Քաղաքացիություն	Հնդկաստան
Մասնագիտություն	հաշմանդամների իրավունքների պաշտպան
Պարգևներ և մրցանակներ	100 կին
Virali Modi Վիքիպահեստում

Երկաթուղու հասանելիությունը բարելավելու ջանքերի շնորհիվ ընդգրկվել է BBC-ի 2017 թվականի «100 կանանց» ցուցակում^[8]։ Բազմիցս ելույթ է ունեցել TEDx-ում՝ խոսելով իր փորձի և հաշմանդամության հետ կապված խնդիրների մասին^[9][10][11]։ Վիրալին սկսել է արշավ՝ խթանելու հաշմանդամություն ունեցող անձանց հասանելիությունը, մեկը՝ 2017-ին, որը կոչվում էր #MyTrainToo, իսկ մյուսը՝ # RampMyRestaurant^[7]։