விராலி மோடி

விராலி மோடி ^[1]Virali Modi (பிறப்பு 29 செப்டம்பர் 1991) இந்தியாவைச் சேர்ந்த ஊனமுற்றோர் உரிமை ஆர்வலர் மற்றும் ஊக்கமளிக்கும் பேச்சாளர் ஆவார். ^[2] இவர் தனது இளமைக் காலத்தின் பெரும்பகுதியை அமெரிக்காவில் கழித்தார், ஆனால் இந்தியாவிற்கு விஜயம் செய்த பிறகு இவர் மலேரியா நோயால் பாதிக்கப்பட்டு கோமா நிலைக்குச் சென்றார். ^[3] பின்னர் மருத்துவ சிகிச்சை பெற்று உயிர் பிழைத்தார்; ஆனால் இவரால் நடக்க முடியவில்லை. ^[4] மனம் தளராமல், இவர் 2014 இல் "மிஸ் வீல்சேர் இந்தியா" போட்டியில் கலந்துகொண்டு, அதில், இரண்டாவது இடத்தைப் பிடித்தார், இதன் விளைவாக சமூக ஊடகங்களில் ஏராளமான பின் தொடர்பவர்களைக் குவித்தார். ^[1] "இந்திய ரயில்வேயில் ஊனமுற்றோருக்கான நட்பு நடவடிக்கைகளை செயல்படுத்தவும்" என்ற தலைப்பில் மாற்றம் (Change.org) என்ற பெயரில் கோரிக்கையை இவர் தொடங்கினார். ^[5] ரயில்வேயை இன்னும் அணுகக்கூடியதாக மாற்றுவதற்கான இவரது முயற்சியை பாராட்டும் பொருட்டு, 2017 ஆம் ஆண்டிற்கான " 100 பெண்கள் (பிபிசி) " ^[6] இல் இவரது பெயர் இடம் பெற்றது. இவர் தனது இயலாமை காரணமாக தனது அனுபவங்கள் மற்றும் போராட்டங்கள் குறித்து பல டெட் (மாநாடு) நிகழ்ச்சிகளில் பேச்சுக்களை வழங்கியுள்ளார். ^{[7] [8] [9]} மாற்றுத்திறனாளிகளுக்கான அணுகலை ஊக்குவிப்பதற்காக , 2017 ஆம் ஆண்டு மை ட்ரெய்ன் டூ (#MyTrainToo) ^[5]ராம்ப் மை ரெஸ்டாரன்ட் (#RampMyRestaurant) என்ற தலைப்புகளில் இவர் தொடங்கினார்.