Տոդոր Կաբլեշկով
Տոդոր Կաբլեշկով (Тодор Каблешков) (հունվարի 13, 1851, Կոպրիվշիտիցա, Սոֆիայի մարզ, Բուլղարիա[1][2] - հունիսի 16, 1876, Գաբրոբո, Բուլղարիա[2]), 19-րդ դարի բուլղարացի հեղափոխական և ապրիլյան ապստամբության առաջնորդներից մեկը։
| Տոդոր Կաբլեշկով | |
|---|---|
 | |
| Ծնվել է | հունվարի 13, 1851 |
| Ծննդավայր | Կոպրիվշիտիցա, Սոֆիայի մարզ, Բուլղարիա[1][2] |
| Մահացել է | հունիսի 16, 1876 (25 տարեկան) |
| Մահվան վայր | Գաբրոբո, Բուլղարիա[2] |
| Քաղաքացիություն | .svg){kind=small} Բուլղարիա |
| Կրթություն | Գալաթասարայի վարժարան |
| Մասնագիտություն | հեղափոխական |
 Todor Kableshkov Վիքիպահեստում | |
Ծնվել է Կոպրիվշտիցայում հարուստ ընտանիքում, սովորել է իր հայրենի քաղաքում, ապա 1864-1867 թվականներին՝ Պլովդիվում, իսկ 1867 թվականին հիմնադրել է Զորա կրթական հասարակությունը։ Նա շարունակել է իր կրթությունը Ստամբուլի Գալաթասարայի վարժարանում, սակայն հիվանդության պատճառով ստիպված է եղել վերադառնալ Կոպրիվշտիցա։ 1873 թվականին Էդիրնեում աշխատել է որպես հեռագրային օպերատոր, այնուհետև Պազարջիկի մոտակայքում գտնվող կայանի աշխատող, որտեղ զբաղվել է մշակութային և կրթական գործունեությամբ։
Կաբլեշկովը 1876 թվականին սկզբին վերադարձել է Կոպրիվշտիցա և ներգրավվել հեղափոխական աշխատանքին։ Նա նշանակվել է Կոպրիշտիցայի տեղական հեղափոխական կոմիտեի ղեկավար և Պանագյուրիշտե հեղափոխական շրջանի փաստաբանի տեղակալ։ Նա առաջինն էր 1876 թվականի ապրիլի 20-ին հայտարարել ապրիլյան ապստամբության մասին և Պանագյուրիշտեի հեղափոխական շրջանի հայտնի արյունոտ նամակի հեղինակն է։ Կաբլեշկովը Կոպրիվշտիցայի ռազմական խորհրդի ղեկավարն էր և ջոկատի առաջնորդը Պանայոտ Վոլովի հետ միասին, որի հետ նա շրջել է մոտակա գյուղերը։
Օսմանյան կայսրության իշխանությունների կողմից ճնշում գործադրելու հետևանքով, Կաբլեշկովը փախչել է մի փոքրիկ խմբի հետ Ստարա Պլանինայի լեռներ։ Նա կալանավորվել է Տրոյանի մոտ և հետագայում խոշտանգվել Լաչովի և Վելիկո Տիռնովոյի բանտերում։ Տոդոր Կաբլեշկովը, ի վերջո, ինքնասպանություն է գործել Գաբրովոյի ոստիկանության գրասենյակում 25 տարեկան հասակում[3]։
Տոդոր Կաբլեշկովը հիշվում է որպես բուլղար խիզախ հեղափոխականներից մեկը, հատկապես հաշվի առնելով այն երիտասարդ տարիքը, երբ նա մտավ հեղափոխական շարժման մեջ։ Նրա տունը Կոպրիվշտիցայում այժմ վերածվել է թանգարանի, այն տեղում, որտեղ Կաբլեշկովը որոշել է ապստամբություն սկսել, կառուցվել է հուշարձան[4]։
Ծանոթագրություններ
 | Վիքիպահեստն ունի նյութեր, որոնք վերաբերում են «Տոդոր Կաբլեշկով» հոդվածին։ |