Ցմահ բանտարկություն

Ցմահ բանտարկություն, ցմահ ազատազրկում, քրեական պատժի տեսակ, որի դեպքում կալանավորն ազատազրկվում է դատավճռի ուժի մեջ մտնելու պահից մինչև իր կենսաբանական մահը։ 2017 թվականի մարտի տվյալներով՝ աշխարհում շուրջ 200.000 մարդ կրել է ցմահ բանտարկություն կամ դատապարտված է եղել իր կենսաբանական կյանքի տևողությունը գերազանցող ժամանակով^[1][2]։

Մի շարք երկրներում, որտեղ չկա մահապատիժ, ցմահ բանտարկությունն օգտագործվում է որպես նրա համարժեք և սովորաբար կիրառվում է այն նույն հոդվածներով, որոնցով նախկինում նախատեսված էր մահապատիժ։ Այլ երկրներում, որտեղ գործում է մահապատիժը, ցմահ բանտարկությունը հաճախ օգտագործվում է որպես դրա այլընտրանք և կարող է նշանակվել դատարանի վճռով կամ մահվան դատապարտվածի դատավճիռը կարող է փոխվել պետության կամ նահանգի բարձրագույն ղեկավարի (նախագահ, միապետ, նահանգապետ և այլն) կողմից։