Ֆլամանդական Բրաբանտ
| Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
Անվան այլ կիրառումների համար տե՛ս՝ Բրաբանտ (այլ կիրառումներ)
Ֆլամանդական Բրաբանտ (հոլ.՝ Vlaams-Brabant, ֆր.՝ Brabant flamand, գերմ.՝ Flämisch-Brabant), Բելգիայի Թագավորության տասը նահանգներից և Ֆլանդրիայի հինգ նահանգներից մեկը։ Ձևավորվել է 1995 թվականի հունվարի 1–ին Բրաբանտ նահանգի՝ լեզվական սկզբունքով բաժանելու ընթացքում, որի արդյունքում առաջացել է Ֆլամանդական և Վալոնյան Բրաբանտ նահանգները։ Սահմանակցում է Արևելյան Ֆլանդրիային, Վալոնյան Բրաբանտին, Անտվերպեն և Լիեժ նահանգներին։
 Vlaams-Brabant | |||||
|---|---|---|---|---|---|
| |||||
 | |||||
| Երկիր | .svg){kind=small} Բելգիա | ||||
| Կարգավիճակ | Նահանգ | ||||
| Մտնում է | Ֆլանդրիայի մեջ | ||||
| Ներառում է | 64 համայնքներ | ||||
| Վարչկենտրոն | Լյովեն | ||||
| Հիմնական լեզու | նիդերլանդերեն | ||||
| Բնակչություն (2010) | 1 076 924 (5-րդ տեղ) | ||||
| Խտություն | 511,36 ( 2-րդ տեղ) | ||||
| Տարածք | 2106 (9-րդ տեղ) | ||||
| Բարձրություն ծովի մ-ից՝ - Բարձրագույն կետ | 137,3 մ | ||||
 | |||||
| Հիմնադրված է | հունվարի 1, 1995 թ. | ||||
| Սահմանակցում է | Վալոնյան Բրաբանտ, Բրյուսել, Լիմբուրգ, Լիեժ, Անտվերպեն, Արևելյան Ֆլանդրիա և Էնո | ||||
| Ժամային գոտի | UTC+1 | ||||
| Նախորդ | Բրաբանտ նահանգ | ||||
| Փոխարինեց | Բրաբանտ նահանգ[1] | ||||
| ISO 3166-2 կոդ | BE-VBR | ||||
| Անվանված է | Բրաբանտ նահանգ և Ֆլանդրիա | ||||
| vlaamsbrabant.be | |||||
Վարչական կենտրոնը Լյովեն քաղաքն է։
Հիմնական տվյալներ
- Տարածք՝ 2 106 կմ²
- Ամենաբարձր կետ՝ Վալսհաուտեմ, ծովի մակերևույթից 137,33 մ․ բարձրության վրա
- Կարևորագույն գետեր՝ Դեյլե, Դեմեր, Սենա
- Բնակչություն՝ 1 076 924 մարդ (2010)։
Վարչատարածքային բաժանում
Նահանգը բաժանված է 2 վարչական շրջանների, որոնք էլ իրենց հերթին բաժանվում են 65 փոքր համայնքների (տես ցանկը ներքևում), որը գլխավորում է ժողովրդի կողմից ընտրվող ավագանին։
| Շրջան | Համայնքների թիվ | Բնակչություն, մարդ (2010) | Տարածք, կմ² | Խտություն, մարդ/կմ² |
|---|---|---|---|---|
| Բրյուսել-Հալլե-Վիլվոորդե | 35 | 593 455 | 942,93 | 629,37 |
| Լյովենի վարչական շրջան | 30 | 483 469 | 1 163,22 | 415,63 |
| Ընդհանուր | 65 | 1 076 924 | 2106,15 | 511,32 |
Բնակչության դինամիկը՝ ըստ շրջանների
| Շրջան | 2003 | 2004 | 2005 | 2006 |
|---|---|---|---|---|
| Հալլե-Վիլվոորդե շրջան | 566 884 | 570 896 | 574 184 | 578 227 |
| Լյովենի շրջան | 461 947 | 463 175 | 466 077 | 469 399 |
| Ֆլամանդական Բրաբանտ, Ընդհանուր | 1 028 831 | 1 034 071 | 1 040 261 | 1 047 626 |
Լեզուներ
1963 թվականից նահանգի միակ պաշտոնական լեզուն նիդերլանդերենն է։ Ընդ որում, 7 համայնքները (որոնցից 5-ը սահմանակից են Բրյուսելի մայրաքաղաքային տարածաշրջանին) լեզվական արտոնություններ են տրամադրում ֆրակոֆոններին (ֆրանսախոսներին)։ Դրանցից 6-ում (բացառությամբ Բևերի) ֆրանկոֆոնները արդեն քսան տարի բնակչության բացարձակ մեծամասնությունն են կազմում։
Նահանգի շատ այլ համայնքներում ֆրանկոֆոնների և ալոֆոնների ներկայությունը զգալիորեն և անընդհատ աճում է՝ առաջացնելով էթնիկ ֆլամանդացիների դժգոհությունը։ Այս առումով, Ֆլամանդական Բրաբանտը Բելգիայի նահանգներից միակն է, որտեղ նահանգապետ պաշտոնից բացի ներդրվել է նահանգապետի տեղակալի պաշտոնը, որը պետք է հավասարապես տիրապետի ինչպես ֆրանսերենին, այնպես էլ նիդերլանդերենին և պատասխանատու է լեզվական արտոնություններ ունեցող համայնքներում լեզվական օրենսդրության պահպանման համար։ Պաշտոնին նշանակված անձը սովորաբար ֆրանկոֆոն է լինում։
Միևնույն ժամանակ, 2011 թվականին Բրյուսել-Հալլե-Վիլվորդե միասնական ընտրատարածքի լուծարումից հետո ֆրանսախոս համայնքի կուսակցությունների համար վերացել է նահանգի տարածքում ընտրություններին անմիջականորեն մասնակցելու հնարավորությունը, ինչի արդյունքում ֆրանկոֆոնների շահերը ներկայացնում է միայն Ֆրանկոֆոնների միության միասնական ցուցակը, որը գրանցվել է որպես ֆլամանդական համայնքի տարածքում ընտրական դաշինք։
Ֆրանկաֆոն փոքրամասնության խնդիրներ
Ֆլամանդական Բրաբանտի տարածքները, հատկապես, այսպես կոչված, Բրյուսելի ծայրամասերը, խոչընդոտ են հանդիսանում Ֆրանկո-ֆլամանդական հակամարտության լուծման համար, որը վտանգում է Բելգիայի ամբողջականությունը։
Չնայած 1963 թվականից հետո ֆլամանդացի ազգայնականների նախաձեռնությամբ Բելգիայի մարդահամարներից լեզվի և ազգության հարցը հանելուն, Ֆլանդրիայում կա ֆրանսախոս փոքրամասնությունը, որը կազմում է նահանգի բնակչության 5%-ը։ Նրանք հիմնականում կենտրոնացած են Ֆլամանդական Բրաբանտ նահանգում, հատկապես նրա արևմտյան հատվածում, որն ունի արտոնյալ լեզվական համայնքներ և նույնիսկ մի ամբողջ երկլեզու ընտրատարածք՝ Բրյուսել-Հալլե-Վիլվորդե։ Ֆրանսախոս փոքրամասնության իրավունքների ճանաչման առավել սուր խնդիրը կանգնած է Ֆլամանդական Բրաբանտի համայնքներում, որտեղ, 2008-2009 թվականների գնահատականներով, ապրում են առնվազն 150 հազար ֆրանկոֆոն, որոնք կազմում են նահանգի բնակչության 15-20%-ը, որոշ դեպքերում՝ ճնշող մեծամասնությունը որոշ արվարձանային համայնքներում և բնակավայրերում։
Ծանոթագրություններ
Արտաքին հղումներ
 | Վիքիպահեստն ունի նյութեր, որոնք վերաբերում են «Ֆլամանդական Բրաբանտ» հոդվածին։ |