Ֆրեդերիկ Վեսելի
Ֆրեդելիկ Վեսելի (ալբ․՝ Frédéric Veseli, նոյեմբերի 20, 1992[1][2], Renens, Ouest Lausannois District, Վո, Շվեյցարիա), ալբանացի ֆուտբոլիստ, շվեյցարական «Լուգանո» ակումբի և Ալբանիայի հավաքականի պաշտպան։ Ծնվել է Ռենան քաղաքում, հանդես է եկել շվեյցարական «Ռենան» և «Լոզաննա-Սպորտ» ակումբներում։ 2008 թվականին տեղափոխվել է «Մանչեսթեր Սիթի», ավելի ուշ՝ «Մանչեսթեր Յունայթեդ» և «Իպսվիչ Թաուն», սակայն չի ընդգրկվել այդ ակումբների հիմնական կազմերում։ 2013/14 միցաշրջանի երկրորդ կեսում վարձավճարով սկսել է խաղալ «Բերի» ակումբում, իսկ 2014/15 մրցաշրջանի սկզբում վարձավճարով տեղափոխվել է «Պորտ Վեյլ»։ 2015 թվականի հուլիսից շվեյցարական Սուպերլիգայի «Լուգանո» ակումբի հիմնական խաղացող է։
Անձնական տվյալներ | |||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Քաղաքացիությունը | Ալբանիա Շվեյցարիա | ||||||||||||||||||||||||||
Մականուն | Ֆրեդի | ||||||||||||||||||||||||||
Ծննդյան ամսաթիվ | նոյեմբերի 20, 1992 (31 տարեկան) | ||||||||||||||||||||||||||
Ծննդավայր | Ռենան, Վո, Շվեյցարիա | ||||||||||||||||||||||||||
Հասակ | 183 սմ | ||||||||||||||||||||||||||
Քաշ | 80 կիլոգրամ | ||||||||||||||||||||||||||
Դիրք | պաշտպան | ||||||||||||||||||||||||||
Ակումբային տեղեկություններ | |||||||||||||||||||||||||||
Ներկա ակումբ | Լուգանո | ||||||||||||||||||||||||||
Համար | 13 | ||||||||||||||||||||||||||
Պատանեկան կարիերա | |||||||||||||||||||||||||||
| |||||||||||||||||||||||||||
Մասնագիտական կարիերա* | |||||||||||||||||||||||||||
Տարի | Ակումբ | Խաղ | (Գոլ) | ||||||||||||||||||||||||
| |||||||||||||||||||||||||||
Ազգային հավաքական | |||||||||||||||||||||||||||
| |||||||||||||||||||||||||||
* Մասնագիտական կարիերայում ընդգրկված են միայն առաջնության խաղերը և գոլերը: |
Ֆրեդերիկ Վեսելին Շվեյցարայի ազգային հավաքականում հանդես է եկել գրեթե բոլոր մակարդակներում։ 2009 թվականին որպես թիմի ավագ մասնակցել է մինչև 17 տարեկանների առաջնությանը, որն ավարտվել է շվեյցարացիների հաղթանակով։ Վեսելին հրաժարվել է խաղալ Կոսովոյի հավաքականում, իսկ 2015 թվականի նոյեմբերին ընդունել է Ալբանիայի հավաքականում խաղալու առաջարկը։ 2016 թվականի մայիսի 31-ին Վեսելին ընդգրկվել է հավաքականի կազմում, որ պիտի մասնակցեր 2016 թվականի Եվրոպայի առաջնությանը[3]։
Ակումբային կարիերա
Վաղ տարիներ
Իր ֆուտբոլային կարիերան Վեսելին սկսել է «Ռենան» ակումբում։ 2005 թվականին տեղափոխվել է «Լոզաննա Սպորտ» ակումբ, որտեղ խաղացել է մինչև 2008 թվականը, երբ տեղափոխվել է Անգլիա և ընդունվել «Մանչեսթեր Սիթիի» ակադեմիա։ 4 մրցաշրջանների ընթացքում նա խաղացել է ակումբի պահեստային կազմում։ 2010 թվականի սեպտեմբերի 22-ին Ռոբերտո Մանչինին Վեսելիին ընդգրկել է Ֆուտբոլային լիգայի գավաթի 3-րդ փուլի շրջանակներում «Վեստ Բրոմվիչ Ալբիոն» ակումբի դեմ խաղին մասնակցության հայտում[4]։ 2011/2012 մրցաշրջանում Վեսելին ակումբի կազմում հայտագրվել է մասնակցելու World Football Challenge-ին, սակայն մասնակցել է միայն մեքսիկական «Ամերիկա» ակումբի դեմ խաղին[5][6][7]։
2012 թվականի հունվարի 31-ին՝ տրանսֆերային պատուհանի վերջին օրը, Վեսելին՝ որպես ազատ գործակալ, տեղափոխվել է «Մանչեսթեր Յունայթեդ»[8][9]՝ բացատրելով դա նրանով, որ այնտեղ ավելի մեծ շանս ունի ընդգրկվելու հիմնական կազմում[10], սակայն 2013 թվականի հուլիսին պայմանագրի ժամկետը լրացել է, և ակումբը հրաժարվել է խաղացողից[11]։
«Իպսվիչ Թաուն»
2013 թվականի հուլիսին Վեսելին տեղափոխվել է Չեմպիոնշիփի «Իպսվիչ Թաուն» ակումբ՝ ստորագրելով 2 տարվա պայմանագիր[12]։ Օգոստոսի 6-ին նա ակումբի կազմում առաջին անգամ խաղադաշտ դուրս եկավ «Բլոդհոլ Ուեյ» մարզադաշտում՝ մասնակցելով Ֆուտբուլային լիգայի գավաթի շրջանակններում անցկացվող «Սթիվենիջ» ակումբի դեմ խաղին, որն ավարտվեց «Իպսվիչ Թաունի» պարտությամբ 2:0 հաշվով[13]։ 2013 թվականի դեկտեմբերի 31-ին Վեսելին վարձավճարով մեկ ամսով տեղափոխվել է երկրորդ Ֆուտբոլային լիգայի «Բերի» ակումբ[14], սակայն այնտեղ մնացել է 93 օր, մինչ «Գիգ Լեյն» մարզադաշտի վերանորոգման ավարտը։ Նա ակումբի կազմում մասնակցել է 18 խաղի և օգնել է թիմին գրավել 11-րդ տեղը։ Ակումբի մարզիչ Դևիդ Ֆլիթքրոֆթը Վեսելիին Պաբլո Միլսի ու Ջեյմս Մաքնալթիի հետ ընդգրկել է պաշտպանական եռյակում։ Վեսելիի մասնակցած 18 խաղերից 10-ում «Բերիի» դարպասը մնացել է աննվաճ[15]։
«Պորտ Վեյլ»
2014 թվականի հուլիսին Վեսելին վարձավճարի մասին համաձայնություն է կնքել Առաջին Ֆուտբոլային լիգայի «Պորտ Վեյլ» ակումբի հետ 2014/2015 միցաշրջանի առաջին կեսի վերաբերյալ։ Ակումբի մարզիչ Միքի Ադամսը Վեսելիին դրել է աջ պաշտպան Ադամ Յեյտսի փոխարեն[15][16]։ Սակայն սեպտեմբերին նա ստացել է կողերի կոտրվածք և բաց է թողել 2 շաբաթ[17]՝ հիմնական կազմ վերադառնալով նոյեմբերի 15-ին «Ռոչդեյլի» դեմ խաղում, որ տեղի է ունեցել «Վեյլ Պարկ» մարզադաշտում և ավարտվել է «Պորտ Վեյլի» հաղթանակով 0:1 հաշվով[18]։ Մեկ շաբաթ անց նրանք հաղթեցին նաև «Միլթոն Քինս Դունսի» դեմ խաղում, իսկ Վեսելին դարձավ հանդիպման լավագույն խաղացող[19]։
2015 թվականի հունվարի 7-ին ալբանացին վերջնականապես տեղափոխվեց «Պորտ Վեյլ»[20]։ Փետրվարի 21-ին Վեսելին խփեց իր ակումբային կարիերայի առաջին գոլը՝ տնային խաղում գրավելով «Դոնկաստեր Ռովերսի» դարպասը մոտավորապես 27 մետրից (խաղն ավարտվեց «Պորտ Վեյլի» հաղթանակով 3:0 հաշվով)[21], և այդ գոլի շնորհիվ ընդգրկվեց շաբաթվա խորհրդանշական հավաքականում[22]։
«Լուգանո»
2015 թվականի հուլիսին Վեսելին որոշեց չերկարացնել պայմանագիրը անգլիական ակումբի հետ և մեկ տարվա պայմանագիր կնքեց շվեյցարական Սուպերլիգայի «Լուգանու» ակումբի հետ[23]։ Նա մասնակցեց առաջնության 36 խաղերից 33-ին, և թիմը մեկ միավորով առաջ անցավ Սուպերլիգայից դուրս մնացած «Ցյուրիխ» ակումբից։
Կարիերան հավաքականում
Վեսելին Շվեյցարիայի մինչև 17 տարեկանների հավաքականի կազմում մասնակցել է Եվրոպայի 2009 թվականի առաջնությանը և հասել մինչև եզրափակիչ (առաջնությունն անցկացվել է Գերմանիայում)։ 2009 թվականի հոկտեմբերին նա ակումբի հետ մասնակցել է աշխարհի՝ մինչև 17 տարեկանների առաջնությանը, որ անցկացվել է Նիգերիայում. Վեսելին մասնակցել է 6 խաղի և եղել է թիմի ավագը։ Եզրափակիչ խաղում ակումբը 1:0 հաշվով հաղթել է առաջնության տերերին[24]։
Վեսելին, ունենալով շվեյցարական քաղաքացիություն, հրաժարվել է խաղալ Շվեյցարիայի հավաքականում՝ հայտարարաելով, որ կցանկանար խաղալ Ալբանիայի՝ իր պատմական հայրենիքի հավաքականում[25]։ Մի քանի անգամ նրան առաջարկել են խաղալ Կոսովոյի հավաքականում (այդ մասին նրան խնդրել է անձամբ հավաքականի մարզիչ Ալբերտ Բունյակին), սակայն Վեսելին հայտարարել է, որ ոչ մի կապ չունի Կոսովոյի հետ։ 2015 թվականի նոյեմբերի 7-ին Վեսելին Ալբանիայի հավաքական մարզիչ Ջանի Դե Բիազի կողմից կանչվել է մասնակցելու Կոսովոյի և Վրաստանի հավաքականների դեմ ընկերական խաղերին[26]։ Ալբանիայի հավաքականի կազմում Վեսելին առաջին անգամ խաղացել է Կոսովոյի հավաքականի դեմ խաղում (դուրս է եկել փոխարինման)[27]։ 2016 թվականի մայիսի 31-ին Ջանի Դե Բյազին Վեսելիին ընդգրկել է Եվրոպայի առաջնության մասնակիցների հայտագրում[28]։
Խաղաոճ
2014 թվականի հուլիսին Միքի Ադամսը հարցազրույցի ժամանակ ասել է, թե Վեսելին արագ խաղացող է, որ ունի բավական փորձ[29]։
Վիճակագրություն
- 2016 թվականի հունիսի 1-ի դրությամբ
Մրցաշրջան | Ակումբ | Դիվիզիոն | Լիգա | Գավաթ | Լիգայի գավաթ | Այլ առաջ. | Ընդհանուր | |||||
---|---|---|---|---|---|---|---|---|---|---|---|---|
Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | |||
2010/2011[30] | Մանչեսթեր Սիթի | Անգլիայի Պրեմիեր Լիգա | 0 | 0 | 0 | 0 | 0 | 0 | 0 | 0 | 0 | 0 |
2011/2012[31] | Անգլիայի Պրեմիեր Լիգա | 0 | 0 | 0 | 0 | 0 | 0 | 0 | 0 | 0 | 0 | |
Ընդհանուր | 0 | 0 | 0 | 0 | 0 | 0 | 0 | 0 | 0 | 0 | ||
2011/2012[31] | Մանչեսթեր Յունայթեդ | Անգլիայի Պրեմիեր Լիգա | 0 | 0 | 0 | 0 | 0 | 0 | 0 | 0 | 0 | 0 |
2012/2013[32] | Անգլիայի Պրեմիեր Լիգա | 0 | 0 | 0 | 0 | 0 | 0 | 0 | 0 | 0 | 0 | |
Ընդհանուր | 0 | 0 | 0 | 0 | 0 | 0 | 0 | 0 | 0 | 0 | ||
2013/2014[33] | Իպսվիչ Թաուն | Չեմպիոնշիպ | 0 | 0 | 0 | 0 | 1 | 0 | 0 | 0 | 1 | 0 |
2013/2014[33] | Բերի (վարձավճար) | Երկրորդ Ֆուտբոլային լիգա | 18 | 0 | 0 | 0 | 0 | 0 | 0 | 0 | 18 | 0 |
2014/2015[34] | Իպսվիչ Թաուն | Չեմպիոնշիպ | 0 | 0 | 0 | 0 | 0 | 0 | 0 | 0 | 0 | 0 |
Ընդհանուր | 0 | 0 | 0 | 0 | 1 | 0 | 0 | 0 | 1 | 0 | ||
2014/2015[34] | Պորտ Վեյլ | Առաջին Ֆուտբոլային լիգա | 37 | 1 | 0 | 0 | 1 | 0 | 0 | 0 | 38 | 1 |
2015/2016[35] | Լուգանո | Շվեյցարական Սուպերլիգա | 33 | 0 | 5 | 0 | 0 | 0 | 0 | 0 | 38 | 0 |
Ընդհանուր կարիերայի ընթացքում | 88 | 1 | 5 | 0 | 2 | 0 | 0 | 0 | 95 | 1 |
Հավաքականում
Ֆրեդերիկ Վեսելիի խաղերն ու գոլերը Ալբանիայի հավաքականի կազմում[36] | ||||||
---|---|---|---|---|---|---|
№ | Ամսաթիվ | Վայր | Հակառակորդ | Հաշիվ | Գոլեր | Մրցություն |
1 | 13 նոյեմբերի, 2015 | Քաղաքային մարզադաշտ, Պրիշտինա | Կոսովո | 2:2 | — | Ընկերական խաղ |
2 | 16 նոյեմբերի, 2015 | Քեմալ Ստաֆա, Տիրանա | Վրաստան | 2:2 | — | Ընկերական խաղ |
3 | 29 մարտի, 2016 | Ժոզի Բարտել, Լյուքսեմբուրգ (քաղաք) | Լյուքսեմբուրգ | 2:0 | — | Ընկերական խաղ |
Ընդհանուր՝ 3 խաղ / 0 գոլ[36]
Ձեռքբերումներ
- Շվեյցարիայի հավաքական (մինչև 17)
- Աշխարհի մինչև 17 տարեկանների առաջնության հաղթող - 2009[37]