France Football

France Football; ֆր.՝ France Football
Տեսակ	հանդես և սպորտային ամսագիր
Հապավում	FF
Լեզու	Ֆրանսերեն
Հիմնադրվել է	1946
Երկիր	Ֆրանսիա
Գրասենյակ	Բուլոն Բիյանկուր
ISSN	0015-9557
Կայք	francefootball.fr
	France Football Վիքիպահեստում

France Football, ֆրանսիական ամենշաբաթյա շաբաթաթերթ (թողարկվում է ամեն երեքշաբթի և ուրբաթ) ողջ աշխարհի ֆուտբոլային նորությունների վերաբերյալ, հրատարակվում է 1946 թվականից սկսած։ Եվրոգավաթների վիճակագրական տվյալները և եվրոպական առաջնությունները ֆոտոլրագրության միջոցով լուսաբանող ամենահեղինակավոր սպորտային հրատարակչություններից մեկն է Եվրոպայում^[2]։

France Football ամսագիրը «ծնունդ է առել» «Football» ամսագրից, որը թողարկվել է 1927-1944 թվականներին, ինչպես նաև ժամանակավոր եղել է Ֆրանսիայի ֆուտբոլի Ֆեդերացիայի տպագիր մարմինը^[3]։ Առաջին համարը լույս է տեսել 1946 թվականի հունվարի 8-ին, իսկ 1977 թվականի փետրվարից արդեն թողարկվում էր գունավոր կազմով և ամրակցված էջերով տարբերակը։ Ներսի էջերը շարունակում էին տպագրվել սև-սպիտակ տպագրությամբ, սակայն վերջին 10 տարվա ընթացքում էջերի մեծամասնությունը սկսեցին տպագրվել գունավոր նկարազարդմամբ։ 1998 թվականի հուլիսի 14-ին Ֆրանսիայի՝ աշխարհի առաջնության գավաթին տիրանալուց 2 օր հետո ամսագիրը իր վաճառքի ծավալով ռեկորդ սահմանեց (520000 վաճառված օրինակ)։

2008 թվականի նոյեմբերի 3-ից Francefootball.fr վեբ կայքում թողարկվում է ամսագրի տեղեկագիրը։

Մրցանակներ

«Ոսկե գնդակ» մրցանակի կազմակերպիչը հանդիսանում է France Football-ի գլխավոր խմբագիր Գաբրիել Անոն, վերջինս 1956 թվականին խնդրել էր իր կոլեգաներին քվեարկել Եվրոպայի լավագույն խաղացողի օգտին (առաջին մրցանակակիրը դարձավ «Բլեքփուլի» ֆուտբոլիստ Սթենլի Մեթյուզը^[4])։ 1959 թվականից France Football -ը սկսեց քվեարկություն անցկացնել՝ որոշելու Ֆրանսիայի տարվա ֆոուտբոլիստին^[5], իսկ 1970 թվականից՝ Ֆրանսիայի տարվա մարզչին (այս պարգևի վերջին մրցանակակիրը դարձավ Լորան Բլանը)։ 1968-1990 թվականներին պարգևատրվեց նաև Տարվա եվրոպական թիմը ֆր.՝ Challenge Européen de Football^[6]։

Աֆրիկական ոսկե գնդակ մրցանակը շնորհվում էր 1970-1994 թվականների յուրաքանչյուր տարվա վերջնամասում։ Այս մրցանակը ներկա ժամանակում շնորհվում է Աֆրիկայի ֆուտբոլի կոնֆեդերացիայի կողմից^[7]։

2020 թվականի «երազանքի թիմ»

2020 թվականին ավանդական Ոսկե գնդակ մրցանակի շնորհման փոխարեն ամսագիրը կազմակերպեց քվեարկություն համաշխարհային առաջատար ԶԼՄ-ների 117 լրագրողների միջև՝ «երազանքի թիմը» պարզելու նպատակով։

«Երազանքի թիմը» այն խորհրդանշական հավաքականն է, որը իր մեջ ներառում է ֆուտբոլի պատմության լավագույն խաղացողներին^[8]։ Անցած տարվա դեկտեմբերին France Football-ը ներկայացրեց միանգամից 3 «երազանքի թիմ»^[9]^[10]^[11]^[12]^[12]^[13]^[14]։