Թիմբալենդը MTV-ին տված հարցազրույցի ժամանակ պատմել է, որ «If We Ever Meet Again» երգը գրվել է Will.i.am-ի հետ «I Gotta Feeling» երգի վրա կատարված աշխատանքի ազդեցությամբ․ «Երբ մենք աշխատում էինք այդ երգի վրա, ես ուղակի սիրահարվեցի նրան․․․ այն ոչ մի ընդհանուր բան չունի «If We Ever Meet Again» երգի հետ, սակայն երբ ես լսեցի The Black Eyed Peas-ի «I Gotta Feeling» երգը, ես ասացի․ «Ես ուզում եմ այդպիսի երգ իմ ալբոմի համար»․․․ «I Gotta Feeling»-ը երջանիկ երգ է, սակայն ինձ այն դուր է գալիս։ Նրանից մնում են հաճելի հիշողություններ»[1]։ Երգում Թիմբալենդը ներկայանում է իրեն ոչ հատուկ տեսանկյունից. նա երգում է և կարդում ռեպ․ «Այն համապատասխանում է իմ ձայնին։ Եթե այն երգեր մեկ ուրիշը, այն կդառնար ծանրաբեռնված։ Այն ինձ դուր է գալիս ավելի շատ իր սխալներով․ ես սխալներ եմ անում»[1]։
«If We Ever Meet Again» տեսահոլովակը նկարահանվել է 2009 թվականի դեկտեմբերին ռեժիսոր Պոլ Ալենի կողմից, ով նախկինում նկարահանել է Թիմբլենդի «Morning After Dark» և «Say Something» տեսահոլովակները[1][2]։ MTV-ին տված հարցազրույցի ժամանակ Թիմբալենդը հայտարարել է, թե ուզում է, որ տեսահոլովակը լինի լուրջ, և որ Քեթի Փերին, հնարավոր է, կկատարի իր պահապան հրեշտակի դերը․ «Ես ուզում եմ ստեղծել ինչ-որ խորիմաստ բան։ Ես ուզում եմ այնպես անել, կարծես նա փրկում է իմ կյանքը՝ չնայած բոլոր այն անախորժություններին, որ ես ստիպված եմ լինում հաղթահարել, լինեն դրանք թմրանյութերը, քաշը կորցնելու հետ կապված դեպրեսիան և այլն․․․ Կլինի՞ նա իմ կողքին, եթե ես նորից անցնեմ այդ ամենի միջով»[1]։ Տեսահոլովակի պրեմիերան կայացել է 2010 թվականի հունվարի 18-ին[3]։ Տեսահոլովակը, ի տարբերություն Թիմբալենդի մտածածի, պատմում է թանկարժեք զարդերի գողի և նկարների գողի սիրո մասին։