Լիլ Բեյբի
Դոմինիք Արմանի Ջոնս[2] (անգլ.՝ Dominique Armani Jones, դեկտեմբերի 3, 1994[1], Ատլանտա), առավել հայտնի Լիլ Բեյբի (Lil Baby) բեմական անվամբ, ամերիկացի ռեփեր, երգիչ և երգերի հեղինակ։ Նախնական ճանաչման է արժանացել «Perfect Timing» միքսթեյփով։ Հայտնի է նաև «Drip Too Hard», «Yes Indeed», «My Dawg», «Freestyle», «Close Friends», «Woah», «Sum 2 Prove» և այլ սինգլներով[3]։
| Լիլ Բեյբի | |
|---|---|
 | |
| Ի ծնե անուն | անգլ.՝ Dominique Armani Jones |
| Նաև հայտնի է որպես | Lil Baby |
| Ծնվել է | դեկտեմբերի 3, 1994[1] (29 տարեկան) Ատլանտա |
| Երկիր |  ԱՄՆ |
| Ժանրեր | հիփ հոփ, Թրեպ երաժշտություն, Atlanta hip hop? և հարավային հիփ հոփ |
| Մասնագիտություն | ռեփեր և երգերի հեղինակ |
| Գործիքներ | վոկալ |
| Լեյբլ | Quality Control Music, Motown և Capitol Records |
| Կրթություն | Վաշինգտոնի ավագ դպրոց և Գյումրու 3 ավագ դպրոց |
| Կայք | iamlilbaby.com |
 Lil Baby Վիքիպահեստում | |
Վաղ կյանք
Դոմինիք Ջոնսը ծնվել է Ջորջիա նահանգի վարչակենտրոն Ատլանտա քաղաքում[4]։ Նա 2 տարեկան էր, երբ նրա հայրը հեռացել է ընտանիքից, թողնելով միայնակ մորը իր և կրտսեր եղբոր հետ։ Ջոնսը բազմիցս հայտնվել է դժվարությունների մեջ, ինչի արդյունքում նա տասներորդ դասարանում թողել է միջնակարգ դպրոցը։ Ջոնսը միշտ հարգանքով է վերաբերվել իր շրջանի ավագ տղաներին։ Նրա մայրը և եղբայրները պատմում էին այն մասին, որ նա շատ զբաղված էր, և որ նա միշտ իրարանցում էր և գումար էր ստանում[5]։
2012 թվականի սկզբին, նրան մեղադրանք է առաջադրվել զենք պահելու համար՝ այն վաճառելու մտադրությամբ։ Նրա նախնական փաստաբանը համոզում էր նրան 2 տարի ժամկետով մեղքի ճանաչման գործարք կնքել, սակայն Ջոնսը հրաժարվել է և նոր փաստաբանի վարձել։ Այս նոր փաստաբանը Ջոնսին նեռգրավել է նրան հատուկ ծրագրում, որօ օգնությամբ նրան կպահեն ընդամենը մեկ տարի[6]։ Լինելով այս ծրագրում՝ նա վեճի է բռնվել սպիտակամորթ բանտարկյալի հետ ռասայական մեկնաբանությունների պատճառով։ Դրանից հետո Ջոնսի դատավճիռը փոխարինվել է նախնական գործարքով 2 տարով։ Ավելի ուշ՝ 2013 թվականին, նրան մեղադրանք է առաջադրվել մարիխուանա պահելու համար՝ մեկ ունցից պակաս։ Այնուհետև, 2014 թվականին, նրան ևս մեկ մեղադրանք է առաջադրվել մարիխուանա պահելու համար՝ այն վաճառելու մտադրությամբ։ Երկու տարի բանտարկվելուց հետո, նա սկսել է իր ռեփ կարիերան 4PF-ի (4 Pockets Full) և Quality Control Music-ի հետ[7][8]։
Կարիերա
2016-2018․ Կարիերայի սկիզբ և «Harder Than Ever»
Երկու տարի անց, Lil Baby-ն թողարկել է իր միքսթեյփը՝ «Perfect Timing»-ը։ Նա թողարկել է այդ միքսթեյփը իր գործընկերոջ՝ ռեփեր Young Thug-ի օգնությամբ, ով նույնպես Ատլանտայից էր՝ 4PF (4 Pockets Full), Wolfpack և Quality Control Music լեյբլերում։ Միքսթեյփին մասնակցել են որոշ հայտնի արտիստներ, ինչպիսիք են Lil Yachty-ն, Thug-ը և մի քանի ոչ այդքան հայտնի տեղի արտիստներ։ Չնայած դրան, որ միքսթեյփը քիչ է գովազդվել, այն լավ է ընդունվել և ուշադրություն է ստացել Ատլանտայի ռեփ բեմի ներսում և դրսում։ «Perfect Timing»-ի թողարկումից հետո, նա թողարկել է իր երկրորդ միքսթեյփը՝ «Harder Than Hard»-ը, 2017 թվականի հուլիսի 18-ին։ Միքսթեյփը դարձրել է Baby-ին ավելի հայտնի և բերել է նրան ավելի լայն հռչակ՝ «My Dawg» առաջնային սինգլի աջակցությամբ։ 2017 թվականի հոկտեմբերի 9-ին Baby-ն թողարկել է համագործակցական միքսթեյփ իր մտերիմ ընկերոջ՝ Marlo-ի հետ, «2 The Hard Way» անվանմամբ։ Այս միքսթեյփը այդքան հաջող չէր, ինչքան նախորդները, բայց նույնպես որոշ ուշադրության է արժանացել։ Baby-ն, ի վերջո, սկսել է հայտնի դառնալ զանգվածների մեջ, «Too Hard» միքսթեյփի շնորհիվ, որի գլխավոր սինգլը «Freestyle»-ն էր։ Այն թողարկվել է տեսահոլովակի հետ նրա միքսթեյփում նոյեմբերի 5-ին։ Սինգլի հաջողության շնորհիվ, Baby-ն մեծ ուշադրության է արժանացել։ Այս միքսթեյփը շատ ուժեղ է ազդել Baby-ի հետագա կարիերայի վրա։ 2018 թվականի մայիսին Baby-ն թողարկել է իր առաջին ստուդիական ալբոմը՝ «Harder Than Ever»-ը, որը դեբյուտել է ամերիկյան Billboard 200 չարթի երրորդ հորիզոնականին[9]։ Ալբոմն աջակցվել է «Southside» և «Yes Indeed» (Դրեյքի հետ) սինգլներով։ Վերջինս զբաղեցրել է Billboard Hot 100 չարթի վեցերորդ հորիզոնականը[10]։
2018-ներկա․ «Street Gossip», «Street Gossip» և «My Turn»
Այն բանից հետո, երբ նա թողարկել է «Harder Than Ever»-ը, 2018 թվականի հոկտեմբերի 5-ին լույս է տեսել նրա «Drip Harder» համագործակցական միքսթեյփը իր մտերիմ ընկերոջ՝ Gunna-ի հետ։ Միքսթեյփը շատ լավ է ընդունվել։ Այն մի շարք համագործակցություններ է ներառել հայտնի ռեփերների հետ․ «Off White VLONE»՝ Lil Durk-ի և Nav-ի մասնակցությամբ, «My Style»՝ Young Thug-ի մասնակցությամբ և «Never Recover»՝ Դրեյքի հետ։ Միքսթեյփը մի քանի հիթեր է ներառել և Baby-ին լայն հռչակ բերել։ Գլխավոր սինգլը՝ «Drip Too Hard»-ը՝ միայն Baby-ի և Gunna-ի մասնակցությամբ, RIAA-ի կողմից պլատինե է հավաստագրվել[11][12]։ Միքսթեյփը թողարկվել է Quality Control, YSL Records և Motown/Capitol լեյբլներում։
2018 թվականի սեպտեմբերին Baby-ն հայտնվել է Adult Swim-ի «FishCenter Live» հեռուստասերիալում[13][14]։ 2018 թվականի նոյեմբերին նա թողարկել է իր «Street Gossip»[15] միքսթեյփը, և 2018 թվականի դեկտեմբերին, Baby-ն համագործակցել է Yung Gravy-ի հետ «Alley Oop» սինգլում[16]։
Նա դեր է կատարել «Որքան բարձր է 2» ֆիլմում՝ 2001 թվականի «Որքան բարձր է» ֆիլմի սիքվելին, որի պրեմիերան կայացել է 2019 թվականի ապրիլի 20-ին MTV-ում[17]։ 2019 թվականի հունիսի 21-ին Baby-ն և Future-ը թողարկել են «Out the Mud» սինգլը, որը համարվում էր նույնանուն ալբոմի սինգլը, սակայն, Baby-ն դա հերքել է[18]։ 2019 թվականի նոյեմբերի 8-ին Baby-ն թողարկել է իր սինգլը՝ «Woah»-ը, որպես իր «My Turn» ալբոմի առաջնային սինգլ[19]։ Նա նաև թողարկել է «Toast Up»-ը նույն օրը Spark the Beat-ի հաղթողներ Ալի Թոմինիքի և Shad on The Beat-ի հետ։ Առաջինի հետ նա նաև հայտնվում է Նեթֆլիքսի «Ռիթմ և հոսք»-ում[20]։
2019 թվականի նոյեմբերի 15-ին Baby-ն թողարկել է «Քուին և Սլիմ» ֆիլմի համար «Catch the Sun» երգը, որը նույնպես ընդգրկվել է նրա երկրորդ ստուդիական ալբոմում՝ «My Turn»-ում, որպես գովազդային սինգլ։ 2020 թվականի հունվարի 10-ին Baby-ն թողարկել է իր երկրորդ սինգլը՝ «Sum 2 Prove»-ը, իր ալբոմի համար։ «My Turn» ալբոմը թողարկվել է 2020 թվականի փետրվարի 28-ին և դեբյուտել է Billboard 200-ի առաջին հորիզոնականին[21]։ Ալբոմի առևտրային հաջողությունից հետո, 12 երգեր դրանից ընդգրկվել են Billboard Hot 100 չարթում, ինչը հասցրել է նրա չարթերում ընդգրկված երգերի քանակը 47-ի՝ հավասարեցնելով նրան ռոք աստղ Փրինսի և The Beatles խմբի անդամ Փոլ ՄաքՔարթնիի հետ[22]։
Կրակոցներ Բիրմինգհեմում
Lil Baby-ի Բիրմինգհեմում համերգի ժամանակ, 2020 թվականի մարտի 8-ին, բեմի անկյունից կրակոցներ են արձակվել, ինչը ստիպել է Baby-ին և լսարանի մեծ մասին փախչել անվտանգության համար։ Թվիթթերում տեսանյութ է հայտնվել, որում ցուցադրվել է միջադեպը, երբ երկու տղամարդ մտել են բեմի կուլսիներ։ Նրանց հայտնվելուց գրեթե անմիջապես հետո հրազենից կրակոցներ են հնչել[23]։ Հաղորդվում է, որ նրանցից մեկը հիվանդանոց է տեղափոխվել փոխհրաձգությունից հետո[24][25]։ Ոստիկանության աշխատակցի խոսքով՝ տուժածի վնասվածքները կյանքին վտանգ են ներկայացնում։ Մինչ օրս ոչ մի կասկածյալ չի ձերբակալվել[26]։
Անձնական կյանք
2018 թվականին Ջոնսը սկսել է հանդիպել իր նախկին ընկերուհու՝ Ջայդա Չիվսի հետ, և, 2019 թվականի փետրվարի 18-ին նրանք երեխա են ունեցել[27]։
Սկավառակագրություն
Ստուդիական ալբոմներ
| Անվանում | Նկարագրություն | Ամենաբարձր հորիզոնական | |||
|---|---|---|---|---|---|
| US | US R&B/HH | CAN | NLD[28] | ||
| Harder Than Ever[29] |
| 3 | 2 | 9 | 129 |
| My Turn[31] |
| 1 | — | 2 | 14 |
Միքսթեյփեր
| Անվանում | Նկարագրություն | Ամենաբարձր հորիզոնական | ||||||||
|---|---|---|---|---|---|---|---|---|---|---|
| US[34] | US R&B/HH[34] | AUS[35] | CAN[36] | IRE | NLD[28] | NOR[37] | SWE[38] | UK[39] | ||
| Perfect Timing[40] |
| — | — | — | — | — | — | — | — | — |
| Harder Than Hard[41] |
| — | — | — | — | — | — | — | — | — |
| 2 The Hard Way[42] |
| — | — | — | — | — | — | — | — | — |
| Too Hard[43] |
| 80 | 33 | — | — | — | — | — | — | — |
| Drip Harder[44] |
| 4 | 2 | 45 | 3 | 39 | 20 | 18 | 26 | 12 |
| Street Gossip[50] |
| 2 | — | — | 7 | 89 | 31 | 35 | 55 | 50 |
| «—» նշանակում է, որ ալբոմը չի թողարկվել կամ ընդրգկվել այդ տարածաշրջանի չարթերում։ | ||||||||||
Մրցանակներ և պարգևներ
| Մրցանակ | Տարեթիվ | Աշխատանք | Անվանակարգ | Արդյունք | Ծան. |
|---|---|---|---|---|---|
| BET Awards | 2019 | Ինքը | Լավագույն արտիստ | Հաղթանակ | |
| Ինքը և Gunna-ն | Լավագույն խումբ | Առաջադրված | [56] | ||
| BET Hip Hop Awards | 2019 | «Drip Too Hard» (Gunna-ի հետ) | Լավագույն դուո/խումբ/համագործակցություն | Առաջադրված | [57] |
| 2020 Grammy Awards | 2020 | «Drip Too Hard» (Gunna-ի հետ) | Լավագույն ռեփ ելույթ | Առաջադրված | [58] |
Ծանոթագրություններ
 | Վիքիպահեստն ունի նյութեր, որոնք վերաբերում են «Լիլ Բեյբի» հոդվածին։ |