«Lucid Dreams» (Գիտակցված երազներ, այլ անվանում՝ «Lucid Dreams (Forget Me)», Գիտակցված երազներ (մոռացիր ինձ)[1], ամերիկացի երաժիշտ Juice Wrld-ի երգը։ Պաշտոնապես թողարկվել է Grade A Productions[2] և Interscope Records լեյբլներում 2018 թվականի մայիսի 4-ին, իսկ դրանից առաջ թողարկվել էր SoundCloud-ում 2017 թվականի հունիսին։ Երգի պրոդյուսերը եղել է Նիք Միրան։ Billboard Hot 100 հիթ-շքերթում ընդգրկվելու առաջին շաբաթում զբաղեցրել է առաջին հորիզոնականը[3], իսկ հետագայում հասել է երկրորդ հորիզոնականին[4]։
Պատմություն
«Lucid Dreams» երգն սկզբում թողարկվել է SoundCloud-ում անվճար հեռարձակման համար Juice WRLD 9 9 9 մինի ալբոմի շրջանակներում 2017 թվականի հունիսի 15-ին[5]։ Վերջնական արդյունքում այն ունեցել է 2,5 մլն ունկնդրում, ինչի շնորհից հետագայում թողարկվել է որպես սինգլ 2018 թվականի մայիսի 4-ին[1][6]։
Juice WRLD-ը պատմել է, որ երգը ստեղծվել է որպես «թերապիայի սեանս» հարաբերություններում խնդիրներ ունեցած լինելու ժամանակ[7]։
Կոմպոզիցիա
«Lucid Dreams» երգի տևողությունը չորս րոպե է։ Տեմպը կազմում է 84 հարված րոպեում[8]։ Երգի գործիքավորումը հիմնված է Սթինգի 1993 թվականի «Shape of My Heart» երգի սեմփլի վրա[9]։ Որոշ լրագրողներ հայտնել են, թե իբր Սթինգը ցանկացել է հայց ներկայացնել ընդդեմ Juice WRLD-ի առանց թույլտվության իր երգից հատվածներ օգտագործելու համար[10], չնայած նախապես նրան հաճելի է եղել իր երգի օգտագործումը[11]։
Տեսահոլովակ
«Lucid Dreams» երգի տեսահոլովակը, որի պրոդյուսերը եղել է Քոուլ Բեննետը, թողարկվել է 2018 թվականի մայիսի 10-ին[12]։ HotNewHipHop-ից Milca P.-ն այն նկարագրել է որպես «պսիխոդելիկ և վերացական»[13]։
Կոմերցիոն հաջողություն
Երգը Billboard Hot 100 հիթ-շքերթում նորամուտը կատարել է 74-րդ հորիզոնականում 2018 մայիսի 27-ին ավարտվող շաբաթում՝ ունենալով 10 մլն սթրիմինգ ԱՄՆ-ում և 4000 թվային ներբեռնում[3]։ Հաջորդ շաբաթում երգն զբաղեցրել է 35-րդ, ապա 15-րդ հորիզոնականը[4][14]։ Երբ «Lucid Dreams» երգը հասել է հիթ-շքերթի տասներորդ հորիզոնական, այն դարձել է Juice WRLD-ի առաջին աշխատանքը, որն ընդգրկվել է լավագույն տասնյակում։ Դա տեղի է ունեցել 2018 թվականի հունիսի 12-ին 35,9 մլն սթրիմինգով ԱՄՆ-ում և 9000 ներբեռնմամբ[15]։ Դրանից հետո այն զբաղեցրել է երկրորդ հորիզոնականը, բայց այդպես էլ չի գլխավորել հիթ-շքերթը՝ զիջելով Maroon 5-ի և Քարդի Բիի «Girls Like You» սինգլին[4]։
Հիթ-շքերթներ
Շաբաթական հիթ-շքերթներ | Տարեկան հիթ-շքերթներՏասնամյակի հիթ-շքերթներ |
Հավաստագրումներ
Թողարկման պատմություն
Ծանոթագրություններ