Juice Wrld
Ջարեդ Էնթոնի Հիգինս (անգլ.՝ Jarad Anthony Higgins, դեկտեմբերի 2, 1998[1], Չիկագո, Իլինոյս, ԱՄՆ[2][1][3] - դեկտեմբերի 8, 2019[4][5][6][…], Օուկ Լոուն, Կուկ շրջան, Իլինոյս, ԱՄՆ[7][2]), առավել հայտնի է Juice Wrld (ընթերցվում է Ջուս Ուորլդ) բեմական անվամբ, ամերիկացի ռեփ կատարող և երաժշտական պրոդյուսեր։ Ջարեդը իր երգերը սկսել է հրապարակել 2015 թվականին՝ SoundCloud սոցիալական ցանցում։ Նա առավել հայտնի է իր՝ «All Girls Are the Same», «Lucid Dreams» և «Legends» երգերով[12]։ Նրա դեբյուտային՝ «Goodbye & Good Riddance» ստուդիական ալբոմը թողարկվել է 2018 թվականի մայիսի 23-ին։ Billboard 200 չարթում ալբոմը բարձրացել է 4-րդ հորիզոնական, իսկ նրա դեբյուտային՝ «All Girls Are the Same» և «Lucid Dreams» սինգլները հայտնվել են Billboard Hot 100 չարթի 41-րդ և 2-րդ հորիզոնականներում։
| Juice Wrld | |
|---|---|
 | |
| Հիմնական տվյալներ | |
| Բնօրինակ անուն | անգլ.՝ Juice WRLD |
| Ի ծնե անուն | անգլ.՝ Jarad Anthony Higgins |
| Նաև հայտնի է որպես | Juice WRLD և JuiceTheKidd |
| Ծնվել է | դեկտեմբերի 2, 1998[1] Չիկագո, Իլինոյս, ԱՄՆ[2][1][3] |
| Երկիր |  ԱՄՆ |
| Մահացել է | դեկտեմբերի 8, 2019[4][5][6][…] (21 տարեկան) Օուկ Լոուն, Կուկ շրջան, Իլինոյս, ԱՄՆ[7][2] |
| Ժանրեր | հիփ հոփ[8], Թրեպ երաժշտություն[9], էմո ռեփ[10], SoundCloud rap[11], ալտերնատիվ ռոք, փոփ-ռեփ և ալտերնատիվ հիփ հոփ |
| Մասնագիտություն | ռեփեր, երգիչ և երգերի հեղինակ |
| Գործիքներ | վոկալ |
| Լեյբլ | Interscope Records, Grade A? և Polydor Records |
| Կրթություն | Homewood-Flossmoor High School? |
| Պարգևներ | |
| Կայք | juicewrld999.com |
 Juice Wrld Վիքիպահեստում | |
Վաղ տարիներ
Ծնվել է 1998 թվականի դեկտեմբերի 2-ին՝ Իլինոյս նահանգի Չիկագո քաղաքում։ Ավելի ուշ տեղափոխվել է Հոմվուդ գյուղ և սովորել է տեղի միջնակարգ դպրոցում։ Հիգինսի ծնողները բաժանվել են, երբ նա երեք տարեկան էր[13], հայրը հեռացել էր՝ թողնելով մորը երեխայի հետ։ Մայրը բավականին կրոնական և պահպանողական մարդ էր, ուստի Ջարեդին արգելում էր հիփ հոփ լսել։ Ջարեդը մեծանում էր տեսախաղեր խաղալով, լսելով և հետաքրքրվելով ռոք և փոփ երաժշտությամբ։
Դեռ դպրոցական տարիներից Ջարեդը մոլի թմրամոլ էր։ Վեցերորդ դասարանից նա սկսել է «Լին» (կոդեին) խմել, իսկ 2013 թվականին պերկոսետ և քսանակս էր օգտագործում։ Առողջական խնդիրներ ունենալու պատճառով նա ստիպված էր դպրոցի ուսուցման վերջին տարում հեռանալ այնտեղից և միայն կանեփ ծխել[14]։
Իր մորից ոգեշնչվելով նա դաշնամուր, որից հետո կիթառ և հարվածային գործիքներ նվագել սովորեց։ Հագինսը՝ ավագ դպրոցի երկրորդ կիսամյակում, սկսեց ռեփին ավելի լուրջ վերաբերվել[15][16]։
Սկավառակագրություն
Ստուդիական ալբոմներ
- Goodbye & Good Riddance (2018)
- Death Race for Love (2019)
- Legends Never Die (2020)
Համերգային շրջագայություններ
- The Nicki Wrld Tour
- The Death Race for Love Tour
Մրցանակներ և անվանակարգեր
MTV Video Music Awards
| Տարեթիվ | Թեկնածու/աշխատանք | Անվանակարգ | Արդյունք | Ծան. |
|---|---|---|---|---|
| 2018 | «Lucid Dreams» | Ամառային երգ | Առաջադրված | [17] |
BET Hip-Hop Awards
| Տարեթիվ | Թեկնածու / աշխատանք | Անվանակարգ | Արդյունք | Ծան. |
|---|---|---|---|---|
| 2018 | Juice Wrld | Լավագույն նոր հիփ հոփ արտիստ | Առաջադրված |
Billboard Music Award
| Տարեթիվ | Թեկնածու/աշխատանք | Անվանակարգ | Արդյունք | Ծան. |
|---|---|---|---|---|
| 2019 | Juice Wrld | Թոփ նոր արտիստ | Հաղթանակ | [18][19] |
Ծանոթագրություններ
Արտաքին հղումներ
 | Վիքիպահեստն ունի նյութեր, որոնք վերաբերում են «Juice Wrld» հոդվածին։ |