The Dark Side of the Moon

Meddle ալբոմի թողարկումից հետո՝ 1971 թվականի դեկտեմբերին, նրանք պատրաստվում էին շրջագայության դեպի Մեծ Բրիտանիա, Ճապոնիա և ԱՄՆ։ Ուոթերսը ասաց, որ փորձերի ժամանակ նրանք կարող են նախախապատրաստել իրենց նոր ալբոմը։ Նիք Մեյսոնի և Ռոջեր Ուոթերսի հետ հանդիպման ժամանակ նրանք նշեցին, որ ալբոմի թեման է «մարդկանց մղել խելագարության»։ Խմբի բոլոր անդամները մասնակցել էին և՛ տեքստային նյութի պատրաստման աշխատանքներին, և՛ ալբոմի ձայնագրությանը։ Rolling Stone խմբի հարցազրույցի համար Դեյվիդ Գիլմոր ասաց. «Ես և Ռոջերը կարծում ենք, որ տեքստի մեծ մասը մենք օգտագործում ենք փոքր-ինչ կողմնակի։ Կար մի զգացողություն, որ բառերը պետք է լինեն մաքուր և կոնկրետ»^[7]։

Ուոթերսը, Գիլմուրը, Մեյսոնը և ստեղնաշարային գործիքավորող Ռիչարդ Վրայթթը մասնակցում էին ալբոմը պատրաստման գործընթացին, Ուոթերսը իր փոքր ձայնագրման ստուդիայում ստեղծում է երգերի դեմո տարբերակները^[8]։ Նոր ալբոմի մասերը վերցված էի չօգտագործվող նյութից, ալբոմը սկսվում է «Breathe»(Շնչիր) երգով, գրվել է Ուոթերսի և Ռոն Ջեսսինի կողմից, այն գրված է The Body սաունդթրեքի համար^[9], ալբոմը շարունակվում է «Us and Them» երգով, որը գրվել էր ստեղնաշարային գործիքավորող Ռիչարդ Ռայթի կողմից, «Zabriskie Point» ֆիլմի համար^[10]։

Ալբոմի ձայնագրման ընթացքում նրանք իմացան, որ Medicine Head ռոք խումբը ունի ձայնագրած ալբոմ The Dark Side Of The Moon անվանմամբ, նրանք որոշեցին ալբոմը անվանել Eclipse, բայց հետո մտափոխվեցին և վերադարձան առաջին տարբերակին։ 1972 թվականի հունիսի 1-ին ձայնագրվեց առաջին աշխատանքը՝ «Us and Them» անվանմամբ, վեց օր անց ձայնագրվեց «Money» երգը։

Խմբի շրջագայությունը Եվրոպայուն և Հյուսիսային Ամերիկայում հնարավորություն տվեց նրանց ինքնուրույն բարելավվումների և որակ իրենց կատարումներում^[11]։ Ալբոմի աշխատանքները դադարեցվեցին այն ժամանակ, երբ խումբը մեկնեց Ֆրանսիա Բարբեթ Շորդերի, «La Vallée» ֆիլմում երգ ձայնագրելու համար։

Dark Side of the Moon, հայեցակարգային աշխատանք, որը պատմում է ժամանակակից կյանքի իրավիճակների մասին^[12]։

Հենց այդ ժամանակաշրջանում, երբ ծնվեց հայեցակարգային ալբոմի գաղափարը, Ռեջռր Ուոտերսը, Մայքլ Ուիլսի հարցազրույցում նշեց. «մենք կարող ենք արժեքավոր բան անել այն ճնշման դեմ, որը, ինչպես զգացել ենք սեփական մաշկի վրա, մարդուն հասցնում է սահմանագծին։ Շատ գումար վաստակել՝ ստիպող ճնշման, արագ ընթացող ժամանակի, կրոնի ու կառավարության նման իշխանական կառույցների՝ բռնության ու ագրեսիայի»։

Այս գաղափարը մեծ խթան հանդիսացավ ստեղծագործող խմբի համար։ Մասնակիցները ստեղծեցին համատեղ ցանկ ալբոմի ստեղծագործությունների համար։ «On the Run» երգը նկարագրում է սթրես, ժամանակակից տրանսպորտի, մասնավորապես վախ թռիչքից առաջ^[13], «Time» երգը՝ արտացոլում է մտավախությունը ծերանալու համար, որ կյանքը աննկատ է անցնում, «The Great Gig in the Sky» երգը՝ սկզբում անվանվել է՝ «Mortality Sequence» և «Religious Theme», «Money» երգը ծիծաղում է մարդկային ագահության վրա, «Us and Them» երգի ընդհանուր միտքը մեկուսացման և դեպրեսիայի մասին է։ «Brain Damage» այս երգը նկարագրում է հոգեկան խանգարում՝ շատ հայտնիության և փառքի ժամանակ, ալբոմը ավարտվում «Eclipse» երգով որը խոսում է ավելի ընդհանուր թեմաներից, ալբոմը ավարտվում է մռայլ նոտայի վրա։

Ալբոմը ունեցավ մեծ հաջողություն և ստեղծագործական մեծ ազդեցություն է թողնում ինչպես Pink Floyd խմբի վրա, այնպես էլ պրոգրեսիվ ռոք ժանրում։

Ալբոմը ձայնագրվել է Էբբի րոդ ձայնագրման ստուդիայում, 1972 թվականի մայիսից մինչև 1973 թվականի հունվար ամիսը։ Խմբի կազմակերպիչ ընտրվել էր Ալան Պարսոնսը, ով եղել էր խմբի Atom Heart Mother հինգերորդ ալբոմի օպերատորը, և Բիթլզ խմբի Let it be երգի կազմակերպիչ^[14][15]։

Նրանք սկսում են հունիսի 1-ին, առաջինը ձայնագրվում է «Us and them» երգը, յոթ օր անց ձայնագրվում է «Money» երգը։ «Time» և «The Great Gig in the Sky» հաջորդն էին որոնք պետք է ձայնագրվեին, այդ ժամանակ խումբը պատրաստվում էր կայանալիք շրջագայությանը դեպի՝ ԱՄՆ^[16]։

1973 թվականին ԱՄՆ-ից վերադառնալուց հետո նրանք ձայնագրում են «Brain Damage», «Eclipse», «Any Colour You Like» և «On the Run» երգերը։ Ձայնագրությունը ավարտին հասցնելուց հետո նրանք պատրաստվում են համերգային շրջագայության Եվրոպայում^[17]։