Daya nga Aprika

Ti Daya nga Aprika wenno Akindaya nga Aprika ket ti akindaya a rehion ti kontinente ti Aprika, nga agdumaduma a maipalawag babaen ti heograpia wenno heopolitika. Kadagiti heograpiko a rehion ti isbangan ti Nagkaykaysa a Pagpagilian, dagiti 20 a teritorio ket mangbukel ti Akin-daya nga Aprika:^[1]

• Ti Tanzania, Kenya, Uganda, Rwanda ken Burundi – idiay Sentral a Daya nga Aprika, ket mairamanda pay iti rehion ti Nalatak a Dandanaw ti Aprika rken kamkamemng ti Komunidad ti Daya nga Aprika (EAC). Ti Burundi ken Rwanda ket sagpaminsanda pay a naikedkeddeng a kas paset ti Tengnga nga Aprika.
• Ti Djibouti, Eritrea, Etiopia ken Somalia – ket naumnong dagitoy nga ammo a kas ti Sara ti Aprika.^{[2][3][4][5][6]}
• Ti Komoros, Maurisio ken ti Seychelles – dagiti bassit nga isla a pagilian idiay Taaw Indiano.
• Ti Réunion ken Mayotte – Dagiti ballasiw taaw a teritorio ti Pransia nga adda pay idiay Taaw Indiano.
• Ti Mozambique ken Madagascar – ket masansan a naikeddengda a kas paset ti Akin-abagatan nga Aprika, idiay akindaya a bangir ti subkontinente. Ti Madagascar ket addaan iti asideg a kultural a panankaikabagian iti Abagatan a daya nga Asia ken dagiti isla ti Taaw Indiano.
• Ti Malawi, Zambia ken Zimbabwe – ket masansanda a mairaman iti Akin-abagatan nga Aprika, ken dati iti Pederasion ti Sentral nga Aprika.
• Ti Ehipto, Sudan ken Abagatan a Sudan (baro a nawayaan manipud ti Sudan) – naumnong a kas paset ti Ginget Nilo. Mabirukan idiay akin-amianan a daya a paset ti kontinente,^[7] ken masansan a mairamanda iti Akin-amianan nga Aprika.^[8] Kameng pay dagitoy ti lugar ti nawaya a pagtagilakuan ti Sapasap a Pagtagilakuan para iti Akindaya ken Akin-abagatan nga Aprika (COMESA).