Tengnga nga Aprika

Ti Tengnga nga Aprika wenno Sentral nga Aprika ket ti bugas a rehion ti kontinente ti Aprika a mangiraman ti Burundi, ti Republika ti Tengnga nga Aprika, Chad, ti Demokratiko a Republika ti Kongo, ken Rwanda. Ti Akintengnga nga Aprika (a kas inus-usar babaen ti Nagkaykaysa a Pagpagilian no mangikatkategoria kadagiti heograpiko a subrehion) ket ti maysa a kapada a termino a mangiraman ti Angola, Kamerun, ti Republika ti Tengnga nga Aprika, Chad, ti Republika ti Kongo, ti Demokratiko a Republika ti Kongo, Guinea Ekuatorial, Gabon, ken Santo Tomas ken Prinsipe.^[1] Amin dagiti estado iti subrehion ti Nagkaykaysa a Pagpagilian iti Akintengnga nga Aprika, ken dagiti dadduma pay a kadawyan a nairamraman iti Tengnga nga Aprika (11 a dagup dagiti estado), ket mangbukel ti Komunidad ti Ekonomia dagiti Estado ti Tengnga nga Aprika (ECCAS).^[2] Manipud idi nawayaan idi 2011, ti Abagatan a Sudan ket kadawyan pay a nairamraman iti rehion.^[3][4]