Baybay ti Okhotsk
150°E / 55°N 150°E
Ti Baybay ti Okhotsk (Ruso: Охо́тское мо́ре, tr. Okhotskoye More, IPA: [ɐˈxotskəɪ ˈmorʲɪ]; Hapon: オホーツク海 Ohōtsuku-kai) ket ti pingir a baybay iti akinlaud a Taaw Pasipiko,[1] a mabirukan iti pagbaetan ti Peninsula Kamchatka iti daya, ti Is-isla Kuril iti abagatan a daya, ti isla ti Hokkaidō iti abagatan, ti isla ti Sakhalin iti laud, ken ti atiddog a sakup ti akindaya nga aplaya ti Siberia (mairaman ti Is-isla Shantar) iti laud ken iti amianan. Ti akin-amianan a daya suli ti Golpo Shelikhov. Ti baybay ket nanaganan babaen ti Okhotsk, ti immuna a pagtaengan ti Rusia iti Adayo a Daya.
Heograpia
Ti Baybay ti Okhotsk ket sakupenna ti kalawa iti 1,583,000 kuadrado kilometro (611,000 sq mi), ken addaan iti agpakatengnga a kaadalen iti 859 metro (2,818 ft) ken ti kaadalem iti 3,372 metro (11,063 ft). Daytoy ket naikapet iti Baybay ti Hapon iti dua a bangirna iti Sakhalin: iti laud babaen ti Golpo Sakhalin ken ti Golpo ti Tartaria; iti abagatan, babaen ti Lingsat La Pérouse.
Iti panaglalam-ek, agbalin a narigat ti panaglayag iti Baybay ti Okhotsk, wenno mabalin pay nga imposible, gapu ti pormasion dagiti dakkel a pebnned ti yelo, gapu ti kaadu a gatad ti nasadiwa a danum manipud iti Karayan Amur a mangipababab ti kaapgad a pagresultaan iti ingangato ti panagyelo apunto ti bayaby. Ti pannakaiwarwaras ken kapuskol dagiti penned ti yelo ket agdepdepende kadagiti adu a banag: ti lokasion, ti tiempo iti tawen, dagiti anud ti danum, ken dagiti temperatura ti baybay.
Dagiti nagibasaran
Dagiti akinruar a silpo
- Ti rehion ti Okhotsk (pdf). Naiyarkibo 2012-02-07 iti Wayback Machine