International Standard Serial Number
Ti International Standard Serial Number (ISSN) ket ti naisangayan a numero ti walo a bilang nga inus-usar a panangilasin ti periodikal a pablaak iti naisangayan a kita ti midia.[1] Daytoy ket maaw-awat iti sangatlubongan a kas ti kammasapulan a panangilasin para iti panangigiddiat ti nagbaetan dagiti agpapada titulo ti serial ken panagpakabael kadagiti pamay-an ti panagpasingked ken panangibilin, panagtaripato ti urnos, nainkalintegan a deposito, dagiti panangipabulod dagiti biblioteka ken kdpy.[2]
No maipablaak ti periodikal, nga addaan iti agpada a linaon, iti dua wenno ad-adu a sabali a midia, mainaganan iti sabali nga ISSN iti tunggal maysa a kita ti midia – a naisangayan kadagiti kita ti naimaldit ken elektroniko a midia, a nainaganan ti naimaldit nga ISSN (p-ISSN) ken elektroniko nga ISSN (e-ISSN wenno eISSN).
Ti sistema ti ISSN ket immuna idi a naaramid a kas maysa nga internasional a pagalagadan ti ISO idi 1971 ken naipablaak a kas ti ISO 3297 idi 1975.[3] Ti subkomite ti ISO iti TC 46/SC 9 ket isu ti akinrebbeng para iti pagalagadan.Ti panangikeddeng iti naisangayan a panangilasin iti serial a kas linaon (panangisilpo kadagiti nadumaduma a midia), ti ISSN-L ket nasken a mausar, a kas inpalawag babaen tiy ISO 3297:2007.
Elektroniko nga ISSN
Ti e-ISSN (or eISSN) ket ti maysa a pagalagadan nga etiketa para iti "Elektroniko nga ISSN", ti ISSN para iti elektroniko a midia (online) a bersion iti maysa a serial.[4]
Dagiti nagibasaran
Dagiti akinruar a silpo
- Listan dagiti 63800 a numero ken titulo ti ISSN
- ISSN International Centre
- "Cataloging Part", ISSN Manual (PDF), ISSN International Centre, naiyarkibo manipud iti kasisigud (PDF) idi 2011-08-07, naala idi 2014-06-23.
- How U.S. publishers can obtain an ISSN, Estados Unidos: Biblioteka ti Kongreso.
- ISSN in Canada, Biblioteka ken dagiti Arkibo ti Kanada, naiyarkibo manipud iti kasisigud idi 2013-12-05, naala idi 2014-06-23.
- Getting an ISSN in the UK, Biblioteka ti Britaniko, naiyarkibo manipud iti kasisigud idi 2014-07-15, naala idi 2014-06-23.
- Getting an ISSN in France (iti Pranses), Bibliothèque nationale de France
- Getting an ISSN in Germany (iti Aleman), Deutsche Nationalbibliothek, naiyarkibo manipud iti kasisigud idi 2017-12-11, naala idi 2014-06-23