Jennylyn Mercado
Ni Jenny Lyn Anne Pineda Mercado (nayanak idi 15 Mayo 1987) ket maysa a Filipina nga aktres, kumakanta, ken mannurat iti kanta. Isu ti nangabak iti umuna a season ti salisal ti talento ti realidad iti StarStruck. Nakaala iti kinadayeg ni Mercado idi ubing pay laeng kadagiti panagpabuyana iti telebision ken pelikula. Nagbida isuna kadagiti nadumaduma a nagballigi iti komersio a pelikula, a mairaman ti English Only, Please (2014), The Prenup (2015), Walang Forever (2015), ken Just the 3 of Us (2016).[1][2][3][4] Idi adda iti GMA Records ken Viva Records, nangipalaak ni Mercado kadagiti tallo nga album, nga addaan kadagiti nadumaduma a nadayeg a single a kas ti "Sa Aking Panaginip", "Moments Of Love" a nakikadua ken ni Janno Gibbs, "Basta't Nandito Ka", ken "Kahit Sandali". Idi 2017, nagbida ni Mercado iti panangaramid manen iti Filipinas iti My Love from the Star.[5][6]
| Jennylyn Mercado | |
|---|---|
.jpg) Ni Mercado idi 2021 | |
| Nayanak | Jennylyn Mercado 15 Mayo 1987 (tawen 37) Las Piñas, Metro Manila, Filipinas |
| Trabaho | Kumakanta, aktres, mangisaili ti telebision, gitarista |
| Tawen nga aktibo | 1998–agdama |
Ti panagballigi ni Mercado iti sinema ti Filipinas ket nakaaramid kaniana a kas maysa kadagiti kalatakan nga aktres iti pagilian ken nangitakder kaniana iti kasasaad nga "Ultimate Star".[7][8][9][10]
Nasapa a biag ken pamilia
Nayanak ni Jennylyn Mercado idi 15 Mayo 1987 idiay Parañaque, Metro Manila. Nagbasa isuna iti senior year ti high school iti Augustinian Abbey School iti Las Piñas. Kas maysa nga ubing, nagsagaba ni Mercado iti pisikal nga abuso manipud iti nagsiuman kaniana. Ti biolohiko nga inana ket nagsubli manipud idiay Dubai tapno mangpiansa laeng iti nagsuiman kaniana. Gapu ti kasta, ni Mercado ket pinadakkel babaen ti ikitna, nga isu met ti ikeddengna nga ina.
Ni Mercado ket kaanakan ni Abner Mercado ti maysa a reporter ti telebision. Adda dagiti tallo a kasinsinna: ni Cherie Mercado ket maysa nga anchor ti damdamag para iti News5, ken dagiti kabsatna a babai da Charee Pineda ken Eliza Pineda ken isuda a dua ket agtrabtrabaho babaen ti isu met laeng a network.[11] Adayo pay a kabagianna ni Onyok Pineda ti maysa nga ubing nga aktor.
Dagiti nagibasaran
Dagiti akinruar a silpo
- Jennylyn Mercado iti Internet Movie Database (iti Ingles)
.svg){kind=link}