Maika-60 a paralelo amianan
Ti maika-60 a paralelo amianan ket ti sirkulo ti latitud a 60 gradgrado iti amianan ti ekuador a plano ti Daga. Daytoy ket ballasiwenna ti Europa, Asia, ti Taaw Pasipiko, Amianan nga Amerika ken ti Taaw Atlantiko.
Urayno daytoy ket mabirukan iti mamindua nga ad-adayo manipud iti Ekuador ngem manipud iti Amianan nga Ungto, ti maika-60 a paralelo ket kagudua iti kaatiddog no maigiddiat iti linia ti Ekuador. Ditoy ti ayan nga agtengnga nga agbatukot ti Daga iti ad-adu ngem idiay Ekuador.
Iti daytoy a latitud, makitkita ti init para kadagiti 18 nga oras, 52 a minminuto iti las-ud ti solstisio ti kalgaw ken 5 nga or-oras, 52 a minminuto iti las-ud ti solstisio ti panaglalam-ek.[1]
Likmut iti lubong
Mangrugi iti Kangrunaan a Meridiano ken mapan nga agpadaya, ti 60° a paralelo amianan ket lumabas iti:
Kanada
Idiay Kanada, ti maika-60 a paralelo ket mangbukel ti nangruna a daga a pagbeddengan a pagbaetan ti akin-amianan a terteritorio ti Yukon, Amianan a laud a Terteritorio, ken Nunavut iti amianan, ken dagiti akinlaud a probinsia ti British Columbia, Alberta, Saskatchewan, ken Manitoba iti abagatan.
Iti pakaitunosan, ti "amianan iti 60" ket maysa a panangibaga a masansan a maus-usar para kadagiti teritorio, uray no dagiti paset ti Nunavut (dagiti isla idiay Luek Hudson ken Luek James) ket mabirukan dagitoy iti abagatan ti maika-60 a paralelo, ken dagiti paset ti Quebec ken Newfoundland ken Labrador ket mabirukan dagitoy iti amianan, iti daya ti Luek Hudson. Ti pabuya ti telebision idi tawtawen ti 1990 iti CBC a maipanggep iti biag idiay Amianan a laud a Terteritorio ket tinawagan idi ti North of 60.
Dagiti laeng uppat a suli ket mabirukan dagitoy idiay interseksion ti maika-60 a paralelo ken ti maika-102 a meridiano laud, iti pagbaetan ti Amianan a laud a Terteritorio, Nunavut, Saskatchewan, ken Manitoba. Nupay kasta, daytoy ket saan a pudno uppat a punto gapu ta ti pannakarukod ti pagbeddengan ti Saskatchewan/Manitoba idi tawtawen ti 1880 ket nangikabil daytoy iti agarup a 400 metro (440 yd) iti laud ti maika-102 a meridiano, a mangipalawag ti paset ti pagbeddengan ti Amianan a laud a Terteritorio/Nunavut.
Greenland
Idi baetan ti 1776 ken 1950, ti maika-60 a paralelo ket nagporma idi ti akin-abagatan a patingga ti eksklusibo a monopolia ti panagtagilako ti Royal Greenland Trade Department idiay asideg ti kolonia ti Dinamarka-Norwega ken kalpasanna dagiti kolonia ti Dinamarka iti Greenland (1776–1782) ken Abagatan a Greenland (1782–1950).[3]