Mimusops elengi
Ti Mimusops elengi ket ti kalalainganna iti kadakkel a kankanayon a berde a kayo a mabirukan kadagiti tropikal a bakir iti Abagatan nga Asia, Abagatan a daya nga Asia ken akin-amianan nga Australia. Dagiti kadawyan a nagan iti Ingles ket mairaman ti Spanish cherry,[1] medlar,[1] ken bullet wood.[2] Napateg ti kayona, makan ti bunga, ken maus-usar daytoy a kas tradisional nga agas. Daytoy ket nangruna nga urnong kadagiti hardin gapu ta ti kayo ket makaited iti napuskol a linong ken dagiti nabanglo a sabong.[3]
| Mimusops elengi | |
|---|---|
 | |
Taksonomia  | |
| Pagarian: | Plantae |
| Klado: | Tracheophytes |
| Klado: | Angiospermae |
| Klado: | Eudicotidae |
| Klado: | Asterids |
| Urnos: | Ericales |
| Pamilia: | Sapotaceae |
| Henero: | Mimusops |
| Sebbangan: | M. elengi |
| Dua a nagan | |
| Mimusops elengi | |
Ti sabongna ket probinsial a sabong ti Probinsia ti Yala, Tailandia.[4]
Deskripsion
Ti Mimusops elengi ket maysa a kankanayon a berde a kayo a makaabot iti katayag iti agarup a 16 m (52 ft). Agsabong iti Abril, ken agbunga iti Hunio. Nasileng dagiti bulong, nangisit a berde, arinduyog iti sukog, 5–14 cm (2.0–5.5 in) iti kaatiddog, ken 2.5–6 cm (0.98–2.36 in) iti kaakaba. Krema dagiti sabong, nadutdotan, ken nabanglo. Napuskol ti ukis ti kayo ken agparang a nangisit a marakayumanggi nangisit wenno maramarisdapo nangisit iti maris, nga addaan kadagiti pantok ken sumagmamano a rengngat iti rabaw. Mabalin a makaabot ti kayo iti katayag iti 9–18 m (30–59 ft) iti agarup a 1 m (3 ft 3 in) iti sirkumperensia.
Dagiti ladawan
Bunga
Sabsabong
Ukis ti kayo
_ripe_fruit_in_Kolkata_W_IMG_2833.jpg)
_in_Hyderabad_W_IMG_7161.jpg)
Dagiti nagibasaran
Dagiti akinruar a silpo
Dagiti midia a mainaig iti Mimusops elengi iti Wikimedia Commons
Adu pay a mabasbasa
- Brock, J., Top End Native Plants, 1988. ISBN 0-7316-0859-3
.svg){kind=link}