Panagsibog

Ti panagsibog ket isu ti artipisial a panangipakat ti danum iti daga. Daytoy ket inus-usar tapno makatulong kadagiti tinaltalon nga apit, panagtaripatu kadagiti ladawan ti daga, ken panagmula manen kadagiti nadisturbo a daga kadagiti namaga a lugar ken iti las-ud dagiti paset ti panawen iti bassit a panagtudtudo. Iti pay maipatinayon, ti panagsibog ket addaan pay a kadagiti sabali nga usar iti panagpataud ti apit, a mairaman ti panagsalaknib kadagiti mula iti panagyelo,^[1]ken panagtulong iti panagpawil ti konsolidasion ti daga.^[2]Iti pagiddiatan, ti agrikultura nga agkamkammatalek laeng iti dagus a panagtudo ken makunkuna a pinakan ti tudo wenno panagtalon ti namaga a daga. Dagiti sistema ti panagsibog ket inus-usar pay para iti palaglapped ti tapok, panagibelleng ti rugit iti pagibellengan, ken iti panagmina. Ti panagsibog ket kadawyan nga inad-adal a kakuyogna ti pagayusan, isu daytoy ti masna wenno artipisial a panagikkat ti rabaw wenno sirok ti rabaw a danum manipud iti naited a lugar.