Pusa
Ti pusa wenno napaamo a pusa (Felis catus) ket ti bassit a karniboro a mamalia.[1][2] Daytoy laeng ti napaamo a sebbangan iti pamilia ti Felidae.[4] Ti pusa ket mabalin a ti pusa iti balay, kas maysa a taraken, wenno maysa nga atap a pusa, nawaya ken mangliklik iti pannakaiyasideg iti tao.[5]Ti maysa a pusa iti balay ket ipatpategan dagiti tao kas kadua para iti abilidadna nga aganup kadagiti rodensia. Agarup a 60 a pulpuli ti pusa yi mabigbigan babaen dagiti nadumaduma rehistro ti pusa.[6]
Napaamo a pusa | |
---|---|
Nadumaduma a a kita ti napaamo a pusa | |
Napaamo | |
Taksonomia | |
Pagarian: | Animalia |
Pilo: | Chordata |
Klase: | Mammalia |
Urnos: | Carnivora |
Sub-urnos: | Feliformia |
Pamilia: | Felidae |
Subpamilia: | Felinae |
Henero: | Felis |
Sebbangan: | F. catus[1] |
Dua a nagan | |
Felis catus[1] | |
Kapada a nagan | |
|
Dagiti pusa ket maipada iti anatomia kadagiti sabali a sebbangan ti felid, ng aaddaan iti maysa a napigsa a nalap-it a bagi, naalibtak ti reaksionna, natadem a ngipen ken lumnek a kuko a naampon iti panagpatay iti anupenna. Isuda ket agkakaan a kaaduan nga aktibo iti parbangon ken sumipnget. Makangeg dagiti pusa kadagiti di umay mangeg nga uni wenno napigsa unay iti prekuensia para iti lapayag ti tattao, kas dagiti uni babaen dagiti marabutit ken dagiti bassit nga ayup. No maiyasping iti tattao, nasaysayaatda a makakita iti nasipnget (makakitada iti gangani a dagup a kasipngetan) ken addaanda iti napigsa a panagangot, ngem madmadi a panagkita iti maris. Uray no solitario nga agan-anup, dagiti pusa ket sosial a sebbangan. Ti pannakisinnarita ti pusa ket mairaman iti panagusar iti bokalisasion ket mairaman ti panagmiaw, panagkuting, agsingngit, agngernger ken agganukgok ken iti pay naisangayan iti pusa a pagsasao iti bagi.[7]
Dagiti nagibasaran
Dagiti akinruar a silpo
- Dagiti datos a mainaig iti Felis sylvestris catus iti Wikispecies
- Dagiti midia a mainaig iti Pusa iti Wikimedia Commons