Robert Johnson

Ni Robert Leroy Johnson (Mayo 8, 1911 – Agosto 16, 1938) ket maysa idi nga Amerikano a kumakanta-mannurat iti kanta ken musikero iti blues. Dagiti nangruna a rekordna idi 1936 ken 1937 ket mangiparang iti talento a kombinasion iti panagkanta, kalaing iti panaggitara, ken panagsurat iti kanta a nakaimpluensia kadagiti simmaruno a kaputotan dagiti musikero. Ti saan unay a nadokumentuan a biag ni Johnson ken ti ipupusay idi agtawen iti 27 ket nakaited iti iyaadu iti leyendana, ken ti mairaman ti mitiko ni Fausto nga isuket nangilako iti kararuana iti demonio iti pagsasabtan tapno makagun-od iti balligi.

Idi laeng naipablaak manen iti maysa kadagiti nairekordna idi 1961, iti LP ti King of the Delta Blues Singers, idi nakaabot ti obrana kadagiti ad-adu nga agbuybuya. Mabigbig tattan ni Johnson a kas master ti blues, a naisangayan iti estilo ti Mississippi Delta blues. Isu ket naipammadayawan babaen dagiti adu a musikero ti rock a kas maysa a nangruna nga impluensia; inbagbaga ni Eric Clapton a ni Johnson "ti kangrunaan a naiyanak a kumakanta iti blues iti amin a panawen."^[1][2] Naipammadayawan ni Johnson iti Rock and Roll Hall of Fame a kas maysa a nasapa nga impluensia iti immuna a seremoniada iti pammadayaw idi 1986.^[3] Idi 2010, inranggo ni David Fricke ni Johnson a maikalima iti listaan dagiti 100 Kalatakan a Gitarista iti Amin a Panawen ti Rolling Stone′.^[4]