Sama-Bajau
Ti Sama-Bajau ket mangibagbaga kadagiti nadumaduma a grupo ti etniko ti Austronesio iti Maritimo nga Abagatan a daya nga Asia wa dagiti nagtaudanda manipud iti akin-abagatan a Filipinas. Ti nagan ket kolektibo a mangibagabga iti mainaig a tattao a kadawyan a nagtawtawag iti bagbagida a kas ti Sama wenno Samah; wenno ammo laeng babaen dagiti eksonimo a kas Bajau (nailetra pay akas Badjao, Bajaw, Badjau, Badjaw, Bajo wenno Bayao) ken Samal wenno Siyamal (ti naud-udi ket naikedeng a makapasagid). Kadawyanda nga agtataeng iti ayan ti baybay a panagbiag, ken agus-usarda ti bassit a naitarikayo paglayagan a bangka a kas ti perahu (layag iti Meranau), djenging, balutu, lepa, pilang, ken vinta (wenno lepa-lepa). Adda met dagiti grupo ti Sama-Bajau a patneng iti Sabah ket maammuan pay ida para kadagiti tradisional a kultura ti kabalio.
  | |
| Dagup ti populasion | |
|---|---|
| Saan a basbassit ngem 470,000 idiay Filipinas; Saan a basbassit ngem 436,672 idiay Sabah, Malaysia;[1] 175,000 idiay Indonesia;[2] 12,000 idiay Brunei.[3] | |
| Dagiti rehion nga agraman kadagiti adu a populasion | |
 Filipinas(Purpuro ti Sulu, Peninsula ti Zamboanga, Davao del Sur, Mindanao)
Sangalubongan | |
| Sasao | |
| Sinama,[4] Bajau, Tausūg, Zambaongueño Chavacano, Cebuano, Tagalog, Malayo, Bugis, Indones ken Ingles | |
| Relihion | |
| Sunni nga Islam (kaaduan, Folk nga Islam, Animismo, Kristianidad | |
| Dagiti agkakabagian a grupo ti etniko | |
| Yakan, Iranun, Tausūg, daddumap ay a Moro, Filipino Malayso, Bugis, ken dagiti tattao nga Austronesio |
Dagiti Sama-Bajau ket tradisionalda a manipud kadagiti adu nga isla ti Purpuro ti Sulu idiay Filipinas, dagiti lugar ti igid ti baybay ti Mindanao, akin-amianan ken akindaya a Borneo, ti Celebes, ken iti amin a paset dagiti akindaya nga isla ti Indonesia.[5] Idiay Filipinas, kakuyogda a naigrupo iti kadada iti relihion a tattao a Moro. Iti kaunegan dagiti naudi a 50 a tawen, adu kadagiti Filipino a Sama-Bajau ket immakarda iti kaarruba a Malaysia ken ti akin-amianan nga is-isla ti Filipinas, gapu ti suppiat idiay Mindanao.[6] Manipud idi 2010, isuda idin ti maikadua a kadakkelan a grupo ti etniko iti estado ti Malaysia ti Sabah.[1][7]
Sagpaminsan a tinawtawagan dagiti Sama-Bajau a kas dagiti "Hitano ti Baybay" wenno "Nomadiko ti Baybay", dagiti termino a naus-usaren para kadagiti saan a mainaig a grupo iti kapada a tradisional a panagbiag, a kas dagiti Moken ti Birmano-Tailandes ti Purpuro Mergui ken dagiti Orang Laut ti akin-abagatan a daya ti Sumatra ken ti is-isla Riau ti Indonesia. Ti moderno nga agparuar a pannakaiwarwaras dagiti Sama-Bajau manipud iti nadadaan a matagtagitao a luglugar ket mabalin a mainaig iti panagdur-as ti panagtagilako iti baybay iti pipino ti baybay (trepang).
Dagiti nagibasaran
Liblibro
- François-Robert Zacot (2009). "Peuple nomade de la mer ,les Badjos d'Indonésie", éditions Pocket, collection Terre Humaine, Paris
.svg){kind=link}