Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Territorio Antarctico Australiano Australian Antarctic Territory
O Territorio Antarctico Australiano (en anglésAustralian Antarctic Territory) ye a parti de l'Antarctida reivindicada por Australia. Consta de todas as islas y territorios a o sud d'os 60 graus de latitut y entre os 45° y os 160° de lonchitut este, fueras d'a Tierra Adelia (136° E a 142° E). A mayor parti d'o territorio situau amán d'a costa la ocupa a Tierra de Wilkes. En total o Territorio Antarctico Australiano tien una superficie de cuasi 6 millons de kilometros cuadraus, correspondient a o 42% de toda l'Antarctida. A División Antarctica Australiana (en anglésAustralian Antarctic Division) ye una división d'o Department of the Environment responsable d'as actividaz australianas en o territorio relativas a temas estratechicos, cientificos, medioambientals y intreses economicos.[1]
A reclamación de sobiranía australiana sobre o territorio ye reconoixida por nomás 4 países: Nueva Zelanda, Francia, Noruega y o Reino Uniu.[2] Os cinco países se han reconoixiu mutuament as suyas reclamacions antarcticas.
