De Temperatua T (dt.: Temperatur, engl.: temperature) is a vagleichands Moß fia hoaß oda koid. Se is definiat ois da Mittlweat vo de kinetischn Energien vo olle Moleküle vo an Keapa. Umso stärka dass de schwingan, umso gressa is de Temparatua vo dem Keapa. Am obsolutn Nuipunkt schwingans praktisch goa nimma. De Temparatua wiad mid an Thermometa gmessn.
De physikalische Messgressn vo da Temperatua is de SI-Oaheid Kelvin (kennzoachnad mid K). 1 Kelvin is da 273,16-te Täu vo da thermodynamischn Temperatua vom Triplpunkt vom Wossa (0,01°). Es gibt owa no weidare Messgressn wia Grod Celsius (°C), Grod Réaumur (°R) und Grod Fahrenheit (°F). Damid ma se de olle meakt, gibt's den Spruch „Celsius, da Réaumur is seah zerfahrenheit“
