Universiteti i Glasgout (en: University of Glasgow) është universiteti i katërt më i vjetër në botën anglofone dhe një nga katër universitetet Skoceze, që cilësohen si Universitete të Moçme. Universiteti u themelua në vitin 1451 dhe së bashku me Universitetin e Edinburgut konsiderohet si një nga çerdhet e Iluminizmit Skocez të shekullit të 18-të.
Njerëz të lidhur me Universitetin e Glasgout kanë dhënë një kontribut të pashlyeshëm për shoqërinë, midis të cilëve mund të përmendet filozofi Francis Hutcheson, inxhinieri James Watt, fizikani Lord Kelvin, shtatë fitues të çmimit Nobel dhe dy Kryeministra Britanik.
