玉皇大帝

玉皇大帝又叫玉皇上帝、玉皇，玉帝，天公，係道敎之中地位好高嘅神祇。

來源

道教裏便，係神界阿頭，真正嘅「上帝」，地位低於三清（民間講法相反，為四御高於三清），係三清所化生出之先天尊神，統轄宇宙眾神，同四御之神相題並論，儒教叫佢做昊天上帝，全稱「昊天金闕無上至尊自然妙有彌羅至真玉皇上帝」。

「玉皇大帝」呢個叫法，係遲過太上老君。玉皇最早出響東漢之後。據《玉皇本行集》記載，光明妙樂國王子捨棄王位，響晉明香嚴山中學道修真，輔國救民，渡化眾生，歷億萬劫，終為玉帝，為「諸天之主」，「萬天之尊」。

每年正月初九，都係玉皇誕。

1982年，世人將土衞五一座山，起名做玉皇大帝。座山係航行者2號太空船發現嘅。佢係一座環形山，而座山響土衛五表面，位置係北緯50.1度，西經81.5度。