Censuro

Censuro esas l'interveno praktikata dal censuranto en la kontenajo o formo di ula laboro intelektala (texto, kansono, fotografuro, edc.), por motivi ideologiala, etikala o politikala.^[1] Censuro povas praktikesar da ula guvernerio,^[2] da privata institucuri o da entraprezi. Guverni o privata institucuri povas facar censuro direte, dum ke altra grupi o institucuri povas propozar o peticionar pri censuro.

On nomizas “priora censuro” kande ol facesas ante ke la laboro montresas publike.^[3] En kelka landi, exemple Usa^[4] ed Arjentinia,^[5] la priora censuro proskriptesas da la konstituco.

Censuro povas aplikesar de singla vorto o porciono de ula intelektala verko til tota ula verko o tota la verkaro de ula persono.