Asus

ASUSTeK Computer Inc. (Hanzi Tradisional: 華碩電腦股份有限公司; Hanzi Sederhana: 华硕电脑股份有限公司; Pinyin: Huáshuò Diànnǎo Gǔfèn Yǒuxiàn Gōngsī), ya iku kumpeni èlèktronik lan piranti atos komputer multinasional saka Taiwan sing kantoré ana ing Beitou District, Taipei, Taiwan. Produk saka kumpeni iki kalebu dhéstop, lèptop, netbook, télepon, piranti jaringan, monitor, proyèktor, motherboards, kertu grafik, optical storage, produk multimèdia, peripheral, wearables, server, workstation, lan tablet PC.

Asus minangka vendor PC sing gedhé dhéwé angka 4 ing donya didelok saka akèhé unit sing didol.^[1] Asus muncul ana ing rangking  BusinessWeek’s "InfoTech 100" lan "Asia’s Top 10 IT Companies" , lan kumpeni iki dirangking pisanan ing kategori IT Hardware saka survei taun 2008 déning Taiwan Top 10 Global Brands karo aji brand total $ 1.3 milyar.^[2]

Asus kapisan lumebu ing pratélan Taiwan Stock Exchange kanthi kode ticker 2357 lan kapindho lumebu ing pratélan London Stock Exchange kanthi kode ticker ASKD.