Tilpun

Tilpun utawa télépun (saka basa Yunani télé (τηλέ) = adoh lan phone (φωνή) = swara) iku piranti télékomunikasi kang dienggo ngirim lan nampa swara (lumrahé pacelathon). Lumrahé wong loro kang wicara, nanging kadhang kala telu utawa luwih. Piranti iki salah sijining piranti omahan kang akèh dhéwé lan umum dhéwé dienggo. Tilpun lumrahé operasiné mawa transmisi sinyal listrik ngliwati jaringan tilpun kang njlimet lan nggawé para naraguna tilpun bisa komunikasi antara siji lan mèh kabèh naraguna tilpun. Tilpun tinemu déning Alexander Graham Bell nalika taun 1876.^[1]