ბელა ჰადიდი
ბელა ჰადიდი (ინგლ. Bella Hadid; დ. 9 ოქტომბერი, 1996)[1] — ამერიკელი მოდელი.
ბელა ჰადიდი | |
---|---|
ბელა ჰადიდი 2018 წლის მაისს | |
დაბადების სახელი | იზაბელა ჰაირ ჰადიდი |
დაბადების თარიღი | 9 ოქტომბერი, 1996 ვაშინგტონი, აშშ |
რეზიდენცია | ნიუ-იორკი |
ეროვნება | ამერიკელი |
მოქალაქეობა | აშშ |
საქმიანობა | მოდელი |
აქტიური | 2012-დღემდე |
ორგანიზაცია | IMG Models |
ცნობილია როგორც | ბელა ჰადიდი |
სიმაღლე | 175 სმ |
წონა | 50 კგ |
მშობლები | მამა: მუჰამედ ჰადიდი დედა: იოლანდა ჰადიდი |
ნათესავები | ჯიჯი ჰადიდი(და) ანვარ ჰადიდი(ძმა) |
ადრეული ცხოვრება
ბელა ჰადიდი დაიბადა 1996 წლის 9 ოქტომბერს, ვაშინგტონში[2][2], გაიზარდა ბევერლი-ჰილზში, კალიფორნიაში. არის უძრავი ქონების დეველოპერის — მუჰამედ ჰადიდის[3][4] და ყოფილი მოდელის, იოლანდა ჰადიდის მეორე შვილი. მამისი პალესტინელია[5] , ხოლო დედამისი ნიდერლანდელი. ჰყავს უფროსი და, ჯიჯი ჰადიდი, და ძმა-ანვარ ჰადიდი, ორივე მათგანი მოდელია. მამამისის მხრიდან ჰყავს ორი ნახევარ-და, მარიელა და ალანა[6].
ჰადიდი და მისი და-ძმები 10 წლის განმავლობაში კალიფორნიაში იზრდებოდნენ. 2012 წელს, ბელას, მის ძმას-ანვარს და დედამის ლაიმის დაავადების დიაგნოზი დაუსვეს.
2014 წელს, ბელა ნიუ-იორკში გადავიდა და „Parsons School of Design“-ში ფოტოგრაფიის შესწავლა დაიწყო. შემდგომ სწავლა შეწყვიტა, სამოდელო კარიერის გასაგრძელებლად. მას შემდეგ რაც სამოდელო კარიერას შეუდგა, ისევ გაუჩნდა ფოტოგრაფიის შესწავლის სურვილი. ბელას ასევე მსახიობობობაც სურდა[7].
კარიერა
2012-2014
ჰადიდმა მოდელობა 16 წლის ასაკში, „Flynn Skye“-ის კომერციული პროექტით დაიწყო. მან ლესი ამოურის ფილმ „Swan Sittings“-ში ბენ ბარნსთან ერთად მიიღო მონაწილეობა. ჰადიდი ასევე მოდელობდა Hanna Hayes' F/W 2013 კოლექციაზე. 2013-2014 წელს, „Chrome Hearts“-ის კამპანიაშიც მიიღო მონაწილეობა.
2014-2015
ჰადიდმა 2014 წლის 21 აგვისტოდან[8], IMG Models-თან თანამშრომლობა დაიწყო.
New York Fashion Week-ზე გასვლით, 2014 წელს, მან მისი დებიუტი შექმნა. ხოლო 2015 წელს, პოდიუმზე ის „Diane von Fürstenberg“-ის „Tommy Hilfiger“-ის, „Jeremy Scott“-ისა და კიდევ უამრავი სხვა ცნობილი სამოდელო სახლის ტანისამოსით გამოდიოდა.
2014 წლის დეკემბერს, ჰადიდი ისეთი ჟურნალების გარეკნებზე მოხვდა, როგორიცაა: „Harper's Bazaar“-ი, „GQ“, „W magazine“, „Town and Country“, „Pop magazine“, „Glamour magazine“ და სხვა. 2015 წელს, იგი ერთ-ერთი იყო, იმ რვა ახალგაზრდა მოდელს შორის, რომელმაც „Topshop's Holiday“-ის სარეკლამო კამპანიაში მიიღო მონაწილეობა. ბელამ რეიჩელ ჰილბერტთან და დევონ ვინდსორთან ერთად, „PINK“-ის სარეკლამო გადაღებაშიც მიიღო მონაწილეობა.
2016-2017
2016 წელს, Mercedes-Benz-ის მოდის კვირეულზე გაიარა. ლონდონში ყოფნისას მან, ისეთი სამოდელო სახლის ტანისამოსით გახსნა შოუები, როგორიცაა Versus Versace, Alberta Ferretti, Fendi და სხვა.
2017 წლის 30 ნოემბერს, მან Victoria Secret-ის მოდის კვირეულზე ორი ლუქი წარადგინა.
2016 წლის განმავლობაში, იგი გამოჩნდა მრავალი ჟურნალის გარეკანზე, მათ შორისაა: „Seventeen Magazine“, „Self Service Magazine“, „CR Fashion Book's #CRGir“, „V Magazine“, „Harper's Bazaar“, „Sunday Times Style“, „British GQ“, „Flare“ და სხვა.
31 მაისს დააანონსეს, რომ ჰადიდი Dior Makeup-ის ახალი სახე გახდა. 2016 წლის მარტში, წლის მოდელის ჯილდო გადასცეს, „Daily Front Row's“-ის ლოს-ანჯელესის მოდის დაჯილდოვებაზე.
პირადი ცხოვრება
2015 წლის დასაწყისში, მან კანადელ მომღერალთან აბელ მაკ-კონელთან სასიყვარულო ურთიერთობა დაიწყო. წყვილი ერთად პირველად, აპრილში, კოაჩელას ფესტივალზე იხილეს, ბელა აბელის მუსიკალურ ვიდეოში, „In the Night“-ში, 2015 წლის დეკემბერს გადაიღეს.
2016 წლის თებერვალს, წყვილი წითელ ხალიჩაზე კვლავ ერთად გამოჩნდა, 2016 წელს ისინი გარკვეული მიზეზების გამო დაშორდნენ, თუმცა 2018 წელს ურთიერთობა განაახლეს.