გეორგი ბუშანი
გეორგი მიკოლაის ძე ბუშანი (უკრ. Георгій Миколайович Бущан, რუმ. Gheorghe Bușcean; დ. 31 მაისი, 1994) — უკრაინელი ფეხბურთელი, გამოდის კიევის „დინამოსა“ და უკრაინის ეროვნული საფეხბურთო ნაკრების რიგებში.
 ბუშანი 2020 წელს | |||
| პირადი მონაცემები | |||
|---|---|---|---|
| დაბადების თარიღი | 31 მაისი, 1994 | ||
| დაბადების ადგილი | ოდესა, უკრაინა | ||
| სიმაღლე | 196 სმ[1] | ||
| სათამაშო პოზიცია | მეკარე | ||
| საკლუბო ინფორმაცია | |||
| მიმდინარე კლუბი | დინამო კიევი | ||
| ნომერი | 1 | ||
| ახალგაზრდული კარიერა | |||
| 2007–2009 | ჩორნომორეც ოდესა | ||
| 2010–2011 | დინამო კიევი | ||
| პროფესიონალური კარიერა* | |||
| წლები | გუნდი | მატჩი | (გოლი) |
| 2011– | დინამო კიევი | 71 | (0) |
| 2014–2015 | → დინამო-2 კიევი | 24 | (0) |
| ეროვნული ნაკრები | |||
| 2010 | უკრაინა 16 წლ. | 6 | (0) |
| 2009 | უკრაინა 17 წლ. | 1 | (0) |
| 2011–2012 | უკრაინა 18 წლ. | 8 | (0) |
| 2012–2013 | უკრაინა 19 წლ. | 2 | (0) |
| 2020– | უკრაინა | 13 | (0) |
| * პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება | |||
საკლუბო კარიერა
გეორგიმ კარიერა ოდესაში დაიწყო, სადაც „ჩორნომორეც ოდესას“ საფეხბურთო სკოლა გაიარა. თოთხმეტი წლის ასაკში გადავიდა კიევში, სადაც დაიწყო თამაში კიევის „დინამოს“ ახალგაზრდულ და სარეზერვო გუნდებში.[2] ის იყო კიევის „დინამოს“ შემადგენლობის წევრი 2011-12 წლებში. მისი დებიუტი კი გუნდში 2017 წლის 20 აგვისტოს, უკრაინის პრემიერ ლიგის შეხვედრაში, „ოლიმპიისკის“ სტადიონზე „სტალ კამიანსკეს“ წინააღმდეგ შედგა და კიეველთა გამარჯვებით 4–1 დასრულდა.[3] 2017 წლის 2 ნოემბერს შედგა მისი დებიუტი ევროტურნირებზე, კერძოდ უეფა-ს ევროპა ლიგის შეხვედრაში „იანგ ბოიზის“ წინააღმდეგ, რომელიც კიეველთა გამარჯვებით, 1–0 დასრულდა.[3] 2019–20 წლების სეზონიდან ბუშანი გუნდის მთავარ მეკარედ და ძირითადი შემადგენლობის წევრად ჩამოყალიბდა.
საერთაშორისო კარიერა
მისი დებიუტი უკრაინის ეროვნული საფეხბურთო ნაკრების რიგებში 2020 წლის 7 ოქტომბერს, საფრანგეთთან გამართულ ამხანაგურ შეხვედრაში შედგა, სადაც უკრაინა გასვლაზე 1–7 დამარცხდა.[4] სამი დღის შემდეგ ითამაშა ერთა ლიგის შეხვედრაში გერმანიის ეროვნული საფეხბურთო ნაკრების წინააღმდეგ. კიდევ სამი დღის შემდეგ კი, 13 ოქტომბერს პირველად შეინახა კარი მშრალად ნაკრების რიგებში, ესპანეთთან გამართულ საშინაო შეხვედრაში, რომელიც უკრაინამ ანგარიშით 1–0 მოიგო.