გიორგი ჟუკოვი

გიორგი კონსტანტინეს ძე ჟუკოვი (რუს. Жуков, Георгий Константинович; დ. 1 დეკემბერი, 1896, სტრელკოვკა (კალუგა), რუსეთი — გ. 18 ივნისი, 1974, მოსკოვი, რუსეთი) — რუსი სამხედრო და სახელმწიფო მოღვაწე, საბჭოთა კავშირის მარშალი, ოთხგზის საბჭოთა კავშირის გმირი, სსრკ-ს თავდაცვის მინისტრი 1955-1957 წლებში.

პირველი მსოფლიო ომისა (1914–1918) და სამოქალაქო ომის (1918–1920) მონაწილე. 1939 წელს ხელმძღვანელობდა იაპონელი აგრესორების განადგურებას მდინარე ხალგინ-გოლთან (მონღოლეთი).

1941 წლის იანვარ-ივლისში იყო გენშტაბის უფროსი და სსრკ თავდაცვის სახკომის მოადგილე.