დოი-ინტანონის ეროვნული პარკი
დოი-ინტანონის ეროვნული პარკი (ტაი. อุทยานแห่งชาติดอยอินทนนท์[1], ასევე ცნობილი როგორც „ტაილანდის სახურავი“) — ეროვნული პარკი ჩრდილოეთ ტაილანდში. მოიცავს ტანენ-ტაუნჯის ქედს, ჩომ თონგის რაიონსა და ჩიანგმაის პროვინციას.[2] პარკის ტერიტორიაზე მდებარეობს დოი ინტანონი, ქვეყნის უმაღლესი მწვერვალი. 483 კმ² ფართობის პარკი 1972 წელს დაარსდა.[3]
დოი-ინტანონის ეროვნული პარკი อุทยานแห่งชาติดอยอินทนนท์ | |
---|---|
IUCN კატეგორია II (ეროვნული პარკი) | |
ვაჩირათანის ჩანჩქერი, | |
მდებარეობა | ჩომ თონგის რაიონი, ჩიანგმაის პროვინცია, ტაილანდი |
კოორდინატები | 18°35′32″ ჩ. გ. 98°29′12″ ა. გ. / 18.59222° ჩ. გ. 98.48667° ა. გ. |
ფართობი | 483 კმ² |
დაარსდა | 1972 |
მმართველი ორგანო | ეროვნული პარკების დეპარტამენტი |
ოფიციალური საიტი | Doi Inthanon NP |
გეოგრაფია
ეროვნული პარკი ჩიანგმაიდან დაახლოებით 60 კმ-თაა დაშორებული. მის ტერიტორიაზე მდებარეობს სოფლები: კარენი და მეო ჰმნოგი, რომელთა მოსახლეობაც 4500 ადამიანს ითვლის.[4] პარკი ზღვის დონიდან 800 - 2 565 მეტრის სიმაღლეებს მოიცავს და მის საზღვრებში რამდენიმე ჩანჩქერია მოქცეული, მათ შორის: მაე კლანგის, ვაჩირატანის, სირიფუმისა და მაე იას ჩანჩქერები.[2] პარკის ტერიტორიაზე რამდენიმე კლიმატური და ეკოლოგიური განყოფილებაა.
ფლორა და ფაუნა
დოი-ინტანონის ეროვნული პარკის ტერიტორიაზე მარადმწვანე ნისლიანი ტყეები, ტორფის ხავსებისა და ფოთლოვანი ტყეებია.[3] ხარობს რამდენიმე რელიქტური ფიჭვი.[2] ტაილანდის ეროვნულ პარკებს შორის ფრინველთა სახეობების მრავალფეროვნებით მეორეა.[5]
გალერეა
- ხედი 1009-ე მაგისტრალის 41-ე კმ-ზე
- დოი-ინტანონის ეროვნული პარკის ტყე
- სიამური საკურების ყვავილობა დოი-ინტანონის ეროვნული პარკში
- დოი-ინტანონის ეროვნული პარკი
- საკურას ყვავილები ეროვნულ პარკში
- საცალფეხო ბილიკი
- მაე იას ჩანჩქერი
- სირი პჰუმის ჩანჩქერი
- სირი თანის თანჩქერი
- ჩანჩქერი დოი-ინტანონის ეროვნულ პარკში