კეიტ ჰადსონი

კეიტ გერი ჰადსონი (ინგლ. Kate Garry Hudson; დ. 19 აპრილი, 1979)^[1] — ამერიკელი მსახიობი, მწერალი და ბიზნესმენი.

Kate Hudson
დაბადების სახელი	კეიტ გერი ჰადსონი
დაბადების თარიღი	19 აპრილი, 1979 (1979-04-19) (45 წლის) ლოს-ანჯელესი, კალიფორნია, აშშ
მოქალაქეობა	აშშ
საქმიანობა	მსახიობი, მწერალი, ბიზნესმენი
აქტიური	1996–დღემდე
მეუღლე(ები)	კრის რობინსონი (იქ. 2000; განქ. 2007)
პარტნიორ(ებ)ი	მეთიუ ბელამი (2010-2014) დენი ფუჯიკავა (2016-დღემდე)
მშობლები	მამა: ბილ ჰადსონი დედა: გოლდი ჰოუნი

დაიბადა 1979 წლის 19 აპრილს ლოს-ანჯელესში, კალიფორნიის შტატში, ოსკარის მფლობელი მსახიობის, გოლდი ჰონისა და მომღერალ ბილი ჰადსონის ოჯახში.^[1] 18 თვის იყო იგი, როდესაც დედ-მამა ერთმანეთს გაეყარნენ. კეიტი და მისი უფროსი ძმა, ოლივერ ჰადსონი დედამ და მისმა მეგობარმა მამაკაცმა მსახიობმა, კურტ რასელმა გაზარდეს.^[2]

1997 წელს ჰადსონმა დაამთავრა კროსროუდის კოლეჯი, თუმცა მან ნიუ-იორკის უნივერსიტეტში სწავლას სამსახიობო კარიერა არჩია.^[2]

მისი დებიუტი კინოში შედგა 1998 წელს, დრამატულ ფილმში „Desert Blue“. სახელი გაითქვა ფილმით „თითქმის ცნობილი“ (2000), რისთვისაც მიიღო ოქროს გლობუსის ჯილდო და ოსკარის ნომინაცია საუკეთესო მსახიობი ქალისთვის მეორეხარისხოვან როლში. მისი სხვა ცნობილი ფილმებია: „როგორ მოვიშოროთ თაყვანისმცემელი 10 დღეში“ (2003), „მოდური დედიკო“ (2004), „სხვენის გასაღები“ (2005), „მე, შენ და დიუპრე“ (2006), „სულელების ოქრო“ (2008), „პატარძლების ომი“ (2009), „ცხრა“ (2009), „დიფვოთერ ჰორიზონი“ (2016), „დედის დღე“ (2016) და „მარშალი“ (2017).

2013 წელს ჰადსონმა, რამდენიმე ადამიანთან ერთად დააარსა კომპანია Fabletics, რომელიც დაკავებულია ქალის სპორტული სამოსის გაყიდვებით.^[3][4]2016 წელს გამოსცა პირველი წიგნი „Pretty Happy: Healthy Ways to Love Your Body“,^[5] ხოლო 2017 წელს მეორე წიგნი — „Pretty Fun: Creating and Celebrating a Lifetime of Tradition“.