კლავდიუსი (გვარი)

გადმოცემის თანახმად ამ გვარის პირველი წარმომადგენელი საბინელი იყო. ძვ. წ. 504 წელს იგი გადმოსახლდა რომში თავისი მრავალრიცხოვანი კლიენტებითურთ^[1]. აპიუსს და მის თანამგზავრებს რომაელებმა მისცეს მოქალაქეობა და მდინარე ანიენის გაღმა მიწები. შემდეგ აპიუსის მიწებში კიდევ ჩასახლდა ხალხი და შეიქმნა კლავდიუსის ტრიბი. აპიუსი სენატორადაც აირჩიეს.

კლავდიუსების გვარის უფროს ვაჟებს ტრადიციისამებრ საუკუნეებგის განმავლობაში არქმევდნენ აპიუსს. კლავდიუსები რესპუბლიკის პერიოდში ხშირად იყვნენ მაგისტრატუსები. სწორედ ამ გვარის წარმომადგენლები გახდნენ იმპერატორთა პირველი დინასტიის წარმომადგენლები. უკანასკნელი კლავდიუსი იმპერატორი იყო ნერონი, რომლის სიკვდილის შემდეგ ძირითადი შტო შეწყდა.

კლავდიუსების გვარში სამი ძირითადი შტო იყო:

• ნერონები. კლავდიუს ნერონები პოლიტიკურ ასპარეზზე პუნიკური ომების პერიოდსი გამოვიდნენ. პირველი კონსული ამ ოჯახიდან იყო გაიუს კლავდიუსი ტიბერიუსის ძე ნერონი ძვ. წ. 208 წელს. ამ შტოში ყველაზე გავრცელებული სახელი იყო ტიბერიუსი. სწორედ კლავდიუს ნერონების შტოს წარმომადგენელი იყო რომის მეორე იმპერატორი ტიბერიუსი. ნერონის სიკვდილის შემდეგ ეს შტო ამოწყდა.
• მარცელუსები კლავდიუსის კვარის პლებეური შტო იყო. ამ შტოდან პირველი კონსული იყო მარკუს გაუსის ძე მარცელუსი ძვ. წ. 331 წელს. გაიუს კლავდიუს მარცელუსი კი ოქტავიანე ავგუსტუსის დაზე ოქტავიაზე იყო დაქორწინებული, ხოლო მათი ვაჟი ოქტავიანეს ქალიშვილზე იულია უფროსზე.
• პულქრები ასევე პატრიციული შტო. ამ შტოში ასევე გავრცელებული იყო სახელი აპიუსი. კლავდიუსების ძირითად შტოს პულქრები გამოეყვნენ ძვ. წ. III საუკუნის მიწურულს. პირველი წარმომადგენელია პუბლიუს კლავდიუს პულქერი ძვ. წ. 249 წლის კონსული. კოგნომენი პულქერი (ლათ. Pulcher) ნიშნავს ლამაზს. შტო შეწყდა კლავდიუსების იმპერატორობის პერიოდში. ამ შტოს გააჩნდა ასევე პლებეური განშტოება, როდესაც პუბლიუს კლავდიუს პულქერმას თავი პლებეის აშვილებინა (პოლიტიკური მიზნებისთვის) და გვარი კლოდიუსზე შეიცვალა.

• აპიუს კლავდიუს საბინუს ინრეგილენსისი — გვარის პირველი წარმომადგენელი და კონსული ძვ. წ. 495 წელს.
• აპიუს კლავდიუსი — დეცემვირი ძვ. წ. 450 წელს.
• აპიუს კლავდიუსი ბრმა — ცენზორი ძვ. წ. 312 წელს
• აპიუს კლავდიუს კაუდექსი — კონსული ძვ. წ. 264 წელს
• პუბლიუს კლავდიუს პულქერი — კონსული ძვ. წ. 249 წელს
• მარკუს კლავდიუს მარცელუსი — კონსული ძვ. წ. 222, ძვ. წ. 215, ძვ. წ. 214, ძვ. წ. 210 და ძვ. წ. 208 წლებში.
• აპიუს კლავდიუს პულქერი — კონსული ძვ. წ. 212 წელს
• გაიუს კლავდიუს ნერონი — კონსული ძვ. წ. 207 წელს
• ტიბერიუს კლავდიუს ნერონი — კონსული ძვ. წ. 202 წელს
• გაიუს კლავდიუს პულქერი — კონსული ძვ. წ. 177 წელს
• აპიუს კლავდიუს პულქერი — კონსული ძვ. წ. 144 წელს
• აპიუს კლავდიუს პულქერი — კონსული ძვ. წ. 77 წელს
• კვინტუს კლავდიუს კვადრიგარიუსი — ისტორიკოსი
• აპიუს კლავდიუს პულქერი — კონსული ძვ. წ. 54 წელს
• გაიუს კლავდიუს მარცელუს უფროსი — კონსული ძვ. წ. 50 წელს
• გაიუს კლავდიუს მარცელუს უმცროსი — კონსული ძვ. წ. 49 წელს
• ტიბერიუს კლავდიუს ნერონი — იმპერატორის მამა, პრეტორი ძვ. წ. 42 წელს
• ნერონ კლავდიუს დრუზუსი — კონსული ძვ. წ. 9 წელს. იმპერატორ კლავდიუსის მამა.
• ტიბერიუს კლავდიუს ნერონი — რომის იმპერატორი
• ტიბერიუს კლავდიუს ნერონ გერმანიკუსი — რომის იმპერატორი
• ტიბერიუს კლავდიუს ბრიტანიკუსი — კლავდიუსის შვილი
• ტიბერიუს კლავდიუს ნერონი — რომის იმპერატორი

ნერონის სიკვდილის შემდეგ კლავდიუსების ძირითადი შტო შეწყდა.

ამ გვარის სხვა ცნობილი წარმომადგენლები:

• კლავდიუს პტოლომეუსი — ბერძენი ასტრონომი
• კლავდიუს აილიანუსი — რიტორიკის მასწავლებელი და მწერალი
• კლავდიუს გალენუსი — ბერძენი ფიზიკოსი
• მარკუს კლავდიუს ტაციტუსი — რომის იმპერატორი
• ფლავიუს კლავდიუს კონსტანტინუს კეისარი — რომის იმპერატორი
• ფლავიუს კლავდიუს იულიანუსი — რომის იმპერატორი
• კლაუდის კლაუდიანუსი — პოეტი
• კეისარ ფლავიუს კლავდიუს კონსტანტინუს ავგუსტუსი — რომის იმპერატორი

• იულიუს-კლავდიუსების დინასტია

• კლავდიუს პულქრების გენეოლოგია
• კლლავდიუსების გენეოლოგიური ხე დაარქივებული 2006-03-26 საიტზე Wayback Machine.