ნანდუსნაირნი (ლათ. Rheiformes) — ტანად დიდი, არამფრინავი ფრინველების რიგი. მამლის სიმაღლე 150 სმ. მასა 50 კგ-ს აღწევს. უტროპო ფრინველებია. აქვთ განუვითარებელი ფრთები, არაპნევმატური ჩონჩხი, პატარა თავი, გრძელი კისერი, მძლავრი და სამთითიანი ფეხები. რიგში ერთი თანამედროვე ოჯახის (ნანდუსებრნი — ლათ. Rheidae) ერთი გვარი (ლათ. Rhea) და 2 სახეობაა. გავრცელებული არიან სამხრეთ ამერიკაში. ჩვეულებრივი ნანდუ (ლათ. Rhea americana) ბინადრობს ბრაზილიასა და არგენტინის ველებზე, დარვინის ნანდუ (ლათ. Rhea darvini) — პატაგონიასა და ანდების მთის ველზე. ნანდუსნაირნი პოლიგამებია. კრუხობს და შთამომავლობაზე ზრუნავს მხოლოდ მამალი. იკვებებიან ძირითადად მცენარეულობით, თუმცა მოიპოვებენ მოლუსკებს, ხვლიკებს, ჭიებსა და სხვა ცხოველურ საკვებსაც. ნანდუსნაირნი ხშირად გვხვდებიან ზოოპარკებშიც.
| ნანდუსნაირნი |
|---|
ჩვეულებრივი ნანდუ (Rhea americana) |
| მეცნიერული კლასიფიკაცია |
|---|
|
| ლათინური სახელი |
|---|
| Rheiformes (Forbes, 1884) |
| სახეობები |
|---|
- ჩვეულებრივი ნანდუ (Rhea americana)
- დარვინის ნანდუ (Rhea darvini)
|
|
ოჯახები
ლიტერატურა
