ნიაგარის ჩანჩქერი
ნიაგარის ჩანჩქერი — სამი ჩანჩქერისაგან შემდგარი წყალვარდნილთა სისტემა, მდებარეობს აშშ-სა და კანადის სახელმწიფო საზღვარზე. ჩანჩქერები მდებარეობენ ამერიკის შტატ ნიუ-იორკსა და კანადის პროვინცია ონტარიოს საზღვარზე. ნიაგარის სიახლოვეს მდებარეობს აშშ-ს ქალაქი ბუფალო. ჩრდილოეთ ამერიკის ყველაზე მაღალი ჩანჩქერის სიმაღლე შეადგენს 52 მეტრს.
იგი უძველეს დროში წარმოიქმნა, მეცნიერები ვარაუდობენ რომ ჩანჩქერი ნიაგარა დედამიწის უკანასკნელ გამყინვარების დროს შეიქმნა. 1848 წლის 29 მარტს ამ ჩანჩქერზე ერთ-ერთი ყველაზე უცნაური მოვლენა მოხდა, ნიაგარის ჩანჩქერი გაჩერდა. ეს გამოიწვია ამ დღეს არსებულმა ძლიერმა ქარმა, რომელმაც ერის ტბაში მდებარე ყინული დაძრა. ყინული ტბიდან მდინარე ნიაგარაზე გადავიდა და უზარმაზარმა მასამ გადაკეტა მდინარე ქალაქ ბუფალოს სიახლოვეს, ეს მოვლენა დაახლოებით 30 საათს გაგრძელდა.
ლიტერატურა
- Berton, Pierre (2009), Niagara: A History of the Falls, State University of New York Press, ISBN 9781438429281, http://books.google.ca/books?id=P_Rr06A2H6UC&lpg=PP1&dq=Niagara%20Falls&pg=PP1#v=onepage&q&f=true
- Grant, Grant (2006), Niagara Falls : an intimate portrait, Insiders/Globe Pequot, ISBN 0762740256, http://books.google.ca/books?id=xQDo2HvBQv8C&lpg=PA1&dq=Niagara%20Falls&pg=PA1#v=onepage&q&f=true
- McGreevy, Patrick (2009), Imagining Niagara: The Meaning and Making of Niagara Falls, Univ of Massachusetts, ISBN 9781558497719, http://books.google.ca/books?id=AYCtIYG-75QC&lpg=PP1&dq=Niagara%20Falls&pg=PP1#v=onepage&q&f=true