რეალ ვალიადოლიდი (საფეხბურთო კლუბი)

„რეალ ვალიადოლიდი“ (ესპ. Real Valladolid Club de Fútbol) — ესპანური საფეხბურთო კლუბი. დაარსდა 1928 წლის ივნისში, კასტილია და ლეონის ავტონომიური გაერთიანების ქალაქ ვალიადოლიდში. ასპარეზობს ესპანეთის სეგუნდა დივიზიონში. საშინაო მატჩებს ატარებს სტადიონ ნუევო ხოსე სორილიაზე, რომელიც 26 512 მაყურებელს იტევს. ეს სტადიონო 1982 წელს აშენდა და პოეტ ხოსე სორილია ი მორალის სახელს ატარებს.

რეალ ვალიადოლიდი

სრული სახელი	Real Valladolid Club de Fútbol, S.A.D.
მეტსახელი	პუსელა (ესპ. Pucela) თეთრ-ვიოლეტები (ესპ. Blanquivioletas / Albivioletas)
დაარსდა	1928; 96 წლის წინ (1928)
სტადიონი	ნუევო ხოსე სორილია ვალიადოლიდი, კასტილია და ლეონი (ტევადობა: 26,512 მაყურებელი)
პრეზიდენტი	კარლოს სუარეს სურედა
მწვრთნელი	პაკო ერერა
ლიგა	სეგუნდა დივიზიონი
2015-16	მე-16 ადგილი
საიტი	ოფიციალური საიტი
ძირითადი ფორმა რეზერვის ფორმა

გუნდი პრიმერა დივიზიონში პირველად 1947-48 წლების სეზონში აღზევდა. ამავე წელს გუნდი გავიდა ესპანეთის თასის ფინალში, სადაც დამარცხდა „ატლეტიკ ბილბაოსთან“. ამ სეზონის შემდეგ, „რეალ ვალიადოლიდი“ 10 წელი არ გავარდნილა პრიმერა დივიზიონიდან, შემდეგ კი მერყეობდა სეგუნდა დივიზიონსა და პრიმერას შორის.

2006-07 წლების სეზონში გუნდს სათავეში ჩაუდგა ხოსე ლუის მენდილიბარი და ამ სეზონში შეძლო დაემყარებინა სეგუნდა დივიზიონის რეკორდი. ბასკი მწვრთნელის გაწვრთნილმა გუნდმა 88 ქულა მოაგროვა. „ვალიადოლიდმა“ მოახერხა ზედიზედ 27 წაუგებელი მატჩის ჩატარება.

პრიმერა დივიზიონში კლუბმა საუკეთესო შედეგია აჩვენა 1963 წელს, როდესაც დაიკავა მეოთხე ადგილი. „რეალ ვადიალოლიდს“ ეკუთვნის ყველაზე სწრაფი გოლის რეკორდი. ხოსება ლიორენტემ 2008 წლის 20 იანვარს, „ესპანიოლთან“ მატჩში გოლი 7.42 წამში გაიტანა.