სინგაპურის სამზარეულო

სინგაპურის კერძები იყოფა ხუთ კატეგორიად: ხორცი, ზღვის პროდუქტი, ბრინჯი, ლაფშა და დესერტი ან წასახემსებელი. სინგაპური ცნობილია თავისი ზღვის პროდუქტებით - კრაბი შაბი წიწაკით და კრაბი ჩილით ერთ-ერთი ყველაზე ცნობილი სინგაპურული კერძებია მსოფლიოში, მათ ხშირად ტურისტებს სთავაზობენ. ტროპიკული ხილი სინგაპურში მთელი წლის განმავლობაშია ხელმისაწვდომი, თუმცა მისი უმეტესობა იმპორტირებულია სხვა ქვეყნებიდან. ყველაზე პოპულარული ხილია დურიანი, მაგრამ მძაფრი სუნის გამო ის აკრძალულია საზოგადოებრივ ტრანსპორტში და ზოგ საზოგადოებრივი შეკრების ადგილას. ასევე გავრცელებული ჰაინანური ბრინჯის ქათამი - მოხარშული ქათამი ჩილის სოუზით და სხვადასხვა სახეობის ლაფშა - კვერცხით, ლორით, ბრინჯით, ქოქოსით, კრევეტით და ა.შ. აზიური, განსაკუთრებით ჩინური კერძების სახელები სინგაპურში შეიძლება სხვადასხვანაირად იწერებოდეს, რადგან იეროგლიფებიდან ლათინურ ასოებში გადაყვანის ზუსტი წესი კერძების გავრცელების დროს არ არსებობდა. სასმელებიდან გავრცელებულია ლუდი, რძიანი ჩაი და ყავა. ალკოჰოლის დიდი რაოდენობის შემცველი სასმელები არ არის გავრცელებული.

სინგაპური მდებარეობს ინდოეთის და წყნარ ოკეამეს შორის და გარშემორტყმულია აზიის ბევრი ქვეყნით, რამაც განაპირობა მისი ეთნიკური და კულტურული მრავალფეროვნება [3]. მსგავსი კლიმატის და მსგავსი ხელმისაწვდომი ინგრედიენტების გამო გარშემო ქვეყნების, კერძების ათვისება მარტივი იყო, თუმცა მათ რეცეპტებს უმეტესად ცვლიდნენ ადგილოვებრივების გემოვნებით. როდესაც სინგაპურში XIX საუკუნეში ვაჭრობის განვითარების მცდელობები დაიწყო, კუნძულზე დასახლდნენ მალაიზიელი, ჩინელი, ამერიკელი, მუსულმანი და ევროპელი იმიგრანტები, ასევე სინგაპური კოლონიზებული იყო ბრიტანეთის მიერ მეოცე საუკუნის შუამდე, რის შემდეგაც მეორე მსოფლიო ომის დროს იაპონიამ დაიპყრო. ყველაფერი ეს ქვეყნის მრავალფეროვანი კულტურის და სამზარეულოს საფუძველია.

2011 წელს CNN-ის გამოკითხვაში "მსოფლიოს 50 უგემრიელესი კერძეჰი" ხალხმა ოთხი სინგაპურული კერძი აირჩია - ჰაიკანური ბრინჯის ქათამი (მე-13 ადგილი), კრაბი ჩილით (29-ე ადგილი, კატონგ ლაქსა (44-ე ადგილი) და როტი პრატა (45-ე ადგილი) [4]. ცნობილმა მზარეულმა გორდონ რამზიმ 2016 წელს მონაწილეონა მიიღო სინგაპურული კერძების კონკურსში. მისი კრაბი ჩილით საუკეთესოდ დასახელდა, მაგრამ მან წააგო დანარჩენ ორ კატეგორიაში.

• https://web.archive.org/web/20121111184944/http://www.cnngo.com/explorations/eat/readers-choice-worlds-50-most-delicious-foods-012321
• http://www.bbc.com/travel/story/20101214-travelwise-singaporean-foods-past-and-present
• https://www.theguardian.com/lifeandstyle/2016/aug/04/michelin-star-for-singapore-noodle-stall-where-lunch-is-half-the-price-of-a-big-mac
• https://journals.worldnomads.com/leah/gallery/13544/384186.aspx