უელვის პროვინცია

უელვა — პროვინცია სამხრეთ ესპანეთში, ავტონომიური გაერთიანება ანდალუსიის დასავლეთ ნაწილში. მას ესაზღვრება პორტუგალია და ესპანეთის შემდეგი პროვინციები: ბადახოსი, სევილია და კადისი. ასევე ესაზღვრება ატლანტის ოკეანე. მისი დედაქალაქია უელვა.

უელვის ფართობი შეადგენს 10,148 კმ². მოსახლეობა კი 483,792 კაცია (2005 წლის მონაცემებით), რომლის დაახლ. 30% ცხოვრობს მის დედაქალაქში. მოსახლეობის სიმჭიდროვე - 47.67 კაცი/კმ². პროვინციაში 79 მუნიციპალიტეტია.