ჩვეულებრივი უკადრისა

ჩვეულებრივი უკადრისა^[1] (ლათ. Impatiens noli-tangere) — ერთწლოვანი ბალახოვანი მცენარე უკადრისასებრთა ოჯახისა. აქვს სწორად მდგომი, დატოტვილი, 40–100 სმ სიმაღლის, მუხლებში გამსხვილებული ღერო. ლეგა მწვანეა, კვერცხისებური ან ელიფსური, მსხვილბლაგვკბილა ფოთლები; ზედები თითქმის მჯდომარეა, ქვედევი — გრძელყუნწიანი. ყვავილები იღლიურია, დიდი ზომის, ყვითელი, ქვედა, განაპირა ნაკვთები გაფართოებულია, შუა კი — წაწვეტებული. ხახა მოწითალო ლაქებითაა დაფარული. ყვავის ივნის-აგვისტოში, ნაყოფმსხმოიარობს სექტემბერში. გავრცელებულია კავკასიაში, სამხრეთ ევროპაში, მცირე და აღმოსავლეთ აზიაში. გვხვდება თითქმის მთელ საქართველოში. იზრდება ტყეებსა და ბუჩქნარებში, დამახასიათებელია დაჩრდილული, ტენიანი ადგილებისათვის.^[2]

ჩვეულებრივი უკადრისა
მეცნიერული კლასიფიკაცია
სამეფო:  მცენარეები განყოფილება:  ყვავილოვანი მცენარეები კლასი:  ორლებნიანნი რიგი:  მანანასნაირნი ოჯახი:  უკადრისასებრნი გვარი:  უკადრისა სახეობა:  ჩვეულებრივი უკადრისა
ლათინური სახელი
Impatiens noli-tangere L., 1753
სინონიმები
Balsamina noli-tangere (L.) Scop., 1772. Impatiens noli-me-tangere Crantz, 1766, nom. superfl.
დაცვის სტატუსი
ყველაზე ნაკლები საფრთხის ქვეშ IUCN 3.1 Least Concern : 64314907
სისტემატიკა ვიკისახეობებში სურათები ვიკისაწყობში ITIS   29188 NCBI   127129 EOL   581164 IPNI   30208246-2 TPL   kew-2862919