.ge
.ge — ზედა დონის ეროვნული დომენი (ccTLD) საქართველოსთვის.
| .ge | |
|---|---|
| შემოღებულია | 1992 |
| დომენის ტიპი | ზედა დონის ეროვნული დომენი |
| სტატუსი | მოქმედი |
| რეგისტრატორი | კავკასუს ონლაინი |
| დანიშნულება | საქართველოსთან დაკავშირებული სხვადასხვა ობიექტი |
| ფაქტობრივი გამოყენება | პოპულარულია საქართველოში |
| საიტი | www.nic.ge |
აღნიშნული დომენური სახელები ხელმისაწვდომია საქართველოს მოქალაქეებისთვის (შეუზღუდავად) ან უცხოური დაწესებულებისთვის, წარმომადგენლის მეშვეობით (მხოლოდ ერთი დომენი თითოეულ რეგისტრანტზე). აგრეთვე, ხელმისაწვდომია მოცემული ქვედომენები, ცალკეული სახის რეგისტრანტებისთვის:[1]
- .com.ge — მხოლოდ კომერციული ორგანიზაციებისთვის
- .edu.ge — მხოლოდ უმაღლესი და საშუალო საგანმანათლებლო დაწესებულებებისთვის
- .school.ge — მხოლოდ სკოლებისთვის
- .gov.ge — მხოლოდ სამთავრობო ორგანიზაციებისთვის
- .org.ge — მხოლოდ არასამთავრობო ორგანიზაციებისთვის
- .mil.ge — მხოლოდ სახელმწიფო სამხედრო ორგანიზაციებისთვის (იყენებს საქართველოს თავდაცვის სამინისტროც)
- .net.ge — მხოლოდ ქსელებთან დაკავშირებული ორგანიზაციებისთვის
- .pvt.ge — მხოლოდ კერძო პირებისთვის
ისტორია
.ge დომენის განკარგვის უფლებამოსილება, 1992 წელს გადაეცა ქართულ ინტერნეტ-მომწოდებელს „სანეტს“.[2] 2006 წელს კი „კავკასუს ონლაინი“, რომელიც შეიქმნა სამი კომპანიის (მათ შორის „სანეტის“) გაერთიანების საფუძველზე,[3][4] გახდა .ge დომენის ფინანსური უზრუნველმყოფი. სარეგისტრაციო მომსახურება თავდაპირველად გაეშვა არამომგებიანი ორგანიზაციის, „ინტერნეტის განვითარების ჯგუფი – საქართველოს“ მეშვეობით,[5][6] თუმცა „კავკასუს ონლაინის“ შემოსვლის შემდეგ, მმართველობითი და სარეგისტრაციო მომსახურების წარმართვა, მას მიენიჭა ექსკლუზიური უფლებით. 2014 წლიდან კი .gov.ge ქვედომენის განკარგვის უფლება გადაეცა „სმართ ლოჯიქს“, რომელიც არის საქართველოს იუსტიციის სამინისტროს სსიპ.[7]
იხილეთ აგრეთვე
რესურსები ინტერნეტში
სქოლიო
 | ეს სტატია ინტერნეტის შესახებ ჯერჯერობით ესკიზია. თქვენ შეგიძლიათ დაგვეხმაროთ მის შევსებაში. |