დონბასის ომი

დონბასის ომი
რუსეთ-უკრაინის ომის ნაწილი
სიტუაცია 2022 წლის 27 მარტის მდგომარეობით
თარიღი	6 აპრილი, 2014 — დღემდე
მდებარეობა	დონეცკისა და ლუგანსკის ოლქები, უკრაინა
შედეგი	მიმდინარე
მხარეები
უკრაინა  დონეცკის სახალხო რესპუბლიკა  ლუგანსკის სახალხო რესპუბლიკა რუსეთი
ძალები
50,000 სამხედრო მოსამსახურე[1] 20,000 მებრძოლი,[2] მათ შორის 3,000–4,000 რუსი მოხალისე[3] (სეპარატისტების მიხედვით) ~10,000 მებრძოლი[4] (ექსპერტების მიხედვით) 7,500+ რუსი ჯარისკაცი (ნატოს წყაროების მიხედვით)[5][6][7]
დონბასის ომი ვიკისაწყობში

ომი დონბასში — შეიარაღებული კონფლიქტი უკრაინის დონბასის რეგიონში, უფრო ფართო რუსულ-უკრაინული ომის შემადგენელი ნაწილი. დაიწყო 2014 წლის 6 აპრილს, დონეცკისა და ლუგანსკის ოლქებში, ადგილობრივ ხელისუფლებასა და რუსეთის მომხრე აჯანყებულებს შორის.

ომს წინ უძღოდა 2014 წლის უკრაინის რევოლუცია და ევრომაიდანის მოძრაობა, რომელმაც დაასრულა პრორუსი ვიქტორ იანუკოვიჩის მმართველობა. საპასუხოდ, რუსმა აქტივისტებმა დაიკავეს ადმინისტრაციული შენობები და აეროპორტები ყირიმის ნახევარკუნძულზე, სადაც მოსახლეობის უმრავლესობას რუსები შეადგენენ. მარტში ჩატარებული რეფერენდუმის საფუძველზე რუსეთის ფედერაციამ ყირიმის ანექსია მოახდინა^[8]. შეიარაღებულმა დაპირისპირებამ თავი იჩინა უკრაინის აღმოსავლეთშიც, სადაც რუსეთის მომხრე შეიარაღებულმა აქტივისტებმა აპრილში ადმინისტრაციული შენობების დაკავება დაიწყეს. საპასუხოდ, უკრაინის ხელისუფლებამ წამოიწყო კონტრტერორისტული ოპერაცია^[9], რაც მალე სრულმაშტაბიან კონფლიქტად გადაიქცა.