Жапония географиясы
Жапон аралдары солтүстіктен оңтүстікке қарай ұзыннан-ұзақ созылып жатыр. Жапонияның солтүстігінде, әсіресе Хоккайдо аралында, қар қалың түсіп, қысы едәуір суық болады, ал оңтүстігінің, Рюкю аралдарының ауа райы тропиқалық климатқа жақын. Жапония – негізінен жылы әрі күн шуақты ел, алайда оның климаты әжептәуір ылғалды болып келеді.Жапон аралдарының бүкіл ауданының алтындан бес бөлігіне жуығын қалың орманды, жартасты таулар алып жатыр. Ең биік тауы – Фудзи тауы. Ол – сөнген жанартау. Фудзиді жапондар киелі тау деп есептейді. Жапонияда толып жатқан сөнбеген жанартаулар, көптеген шипалы арасандар (ыстық бұлақтар) бар. Мұнда жер сілкіну жиі болып тұрады.Жапония халқы негізінен теңіз жағалауын бойлай созылып жатқан құнарлы жазық алаптарда тұрады. Күріш алқаптарын, жеміс бақтары мен шай плантацияларын жыл сайын ұлғайып өсіп бара жатқан ірі қалалар ығыстырып, егістік жер тарыла түсуде.
| Жапония географиясы | |
 | |
| Әлем бөлшегі | Азия |
|---|---|
| Аймақ | Шығыс Азия |
| Координаттары | 36° с.е., 138° ш.б. |
| Аумағы |
|
| Жағалау сызығы | 29 751 км |
| Шекаралары | 0 |
| Ең биік нүктесі | 3776 м (Фудзи тауы) |
| Ең төмен нүктесі | −4 м (Хатирогата) |
| Ірі өзені | Синано (367 км) |
| Ірі көлі | Бива (670 км²) |