Тундра
Тундра (финнче tunturi - токойсуз дөң) - арктика аймагына мүнөздүү өсүмдүктөр тиби.
Негизинен Түндүк жарым шардын арктика жана субарктика алкактарында таралган. Тундрага суук климат, көп жылдык тоң каптаган муздак жер кыртышы мүнөздүү. Мамык чөп жана эңилчек, түптүү жапыз чөп өсүмдүктөрү жана жаздык сымал өсүмдүктөр өсөт. Мындан тышкары кышкысын жалбырагы күбүлмө кидик жарым бадалдар (уюл талы жана кайыңы), дайыма жашыл бадалчалар кездешет. Тундрага бир эле аянтта өсүмдүктөрдүн ар кандай тиричилик формаларынын көп болушу (полидоминанттуулук) мүнөздүү. Тоолордо, тоо токоюнан жогору, мамык чөп, эңилчек жана суукка чыдамдуу өсүмдүктөрдүн бир нече түрү өскөн тоо тундра зонасы жайгашкан.
Колдонулган адабияттар
- «Кыргызстан». Улуттук энциклопедия: 7-том / Башкы ред. Ү. А. Асанов. К 97. Б.: «Кыргыз энциклопедиясы» башкы редакциясы, 2015. - 832 б., илл. ISBN 978-9967-14-125-4
🔥 Top keywords: Template:AdvancedSiteNotices/ajaxАлыкул ОсмоновАйтматов Чыңгыз ТөрөкуловичТоктогул СатылгановКубатбек ЖусубалиевБашкы баракКыргызстанМанас эпосуКожожашАтайын:SearchКокон хандыгыЧүй облусуОш облусуАнатай ӨмүркановЭкономикаЭтишКитепКыргыз автономиялуу облусуИсхак РаззаковЫсык-КөлМанасМакал лакапАт — адамдын канатыТүгөлбай СыдыкбековЫсык-Көл облусуКокон хандыгынын Кыргызстанды каратып алышыЖыл сүрүү жадыбалыАт атоочКурманжан ДаткаЖалал-Абад облусуИнтернетБаткен облусуМеталлТалас облусуАпрель революциясыАзияСын атоочИбраев, ЭсенгулСынган кылыч