Absorptio (pharmacologia)
 | Cave: notitiae huius paginae nec praescriptiones nec consilia medica sunt. |
Absorptio in pharmacologia (et disertius in pharmacocinetica) est transitus substantiae liberae per tunicam mucosam (oralem, gastricam, intestinalem, bronchialem exempli causa) sive per cutem ad sanguinem. Definitio alia absorptionem drogae motus de administrationis sito ad compartimentum centrale esse dicit.[1]
Si iecur pars transitus est, effectus primi transitus substantiis variis momentum habet. Hoc metabolismo praesystemico in iecore illae per primam iecoris transitum suum diminuuntur. Exempla effectus primi transitus sunt imipraminum sive diazepamum.
Resorptio autem est absorptio in systema vasculare cellularum textuumve.
Machinatio absorptionis
Transitus substantiarum perficitur per mucosas sive cutem, intra quos membranae cytoplasmaticae transitum vel sinant vel impediant. Istae membranae cytoplasmaticae in stratum bimoleculare lipidorum, cum moleculis proteinorum et enzymis et receptoriis canalibus ionticis intercalatorum, quod spatii crassitudinem de 75 ad 80 Å (Ångström unitas mensurae longitudinis, 1 Å = 10-10m) attingant, consistunt[2].
