Cancer harenam bullans
Cancer harenam bullans[1] (Anglice: sand-bubbler crab et sand-bubbler) est quodlibet nonnullorum brachyurorum generum Scopimera et Dotilla[2] familiae Dotillidarum.[3] Ea sunt parvi cancri quae in litoribus harenosis trans Indo-Pacificum tropicum et subtropicum habitant; aestu recesso, conspicuas globulorum harenae congeries deponunt, quos aestus accedens destruit.
Classis : Malacostraca
Ordo : Decapoda
Subordo : Pleocyemata
Infraordo : Brachyura
Familia : Dotillidae
Genus : Scopimera
De Haan, 1833
Dotilla
Stimpson, 1858
Descriptio
Cancri harenam bullantes sunt parvi cancri, circa 1 cm trans carapatium,? et eorum est habere "fenestras gasosas" in mero crurum; inter Dotillas, hae fenestrae in thoracis sternitis? quoque adsunt.[2] Systema simile se in genere Petrolisthe familiae Porcellanidarum in parallelo evolvit?.[4]
Distributio geographica
Cancri harenam bullantes sunt longe lateque trans regionem Indo-Pacifici diffusi, ubi abundanter in litoribus harenosis in tropicis et subtropicis vivunt.[2]
Oecologia et mores
Cancri harenam bullantes in cuniculis sub harena aestu accesso manent; aestu recedente, in superficiem emergunt et grana harenae pro cibo detergent, ex quibus globulos inflatos formant, quae superficiem mox contegunt. Cancri radiis ex aditu cuniculi moventur, in quem iterum ingrediuntur dum aestus accedens globulos destruit.[5] Materia quam cancri harenam bullantes consumunt habet minimam materiae organicae conglobationem, quae in unum confertur per egestationem materiae quae non est facilis ad concoquendum.[6]
Taxinomia
Historia taxinomica
Primus descriptus cancer harenam bullans fuit Cancer sulcatus (nunc Dotilla sulcata), a Petro Forsskål anno 1775 erectus. Genus Scopimera primum descriptum est subgenus Ocypodis? a Gulielmo de Haan anno 1833, sed prima species, Scopimera globosa, firme descripta est anno 1835.[3] Eodem tempore, de Haan erigere genus Dotonem pro Cancro sulcato Forskålensi conabatur, de genere Dotone molluscarum insciens, quod nomen praeoccupabat. Primum illius generis nomen iucundum a Gulielmo Stimpson anno 1858 divulgatum est, qui id Dotillam appellavit. Veri simile est persistentis emendationes taxinomicas genus Scopimeram in saltem duo genera diffissuras esse.[3]
Species
Octo species Dotillae et quindecim Scopimerae hodie agnoscuntur[3]:
- Dotilla blanfordi Alcock, 1900
- Dotilla fenestrata Hilgendorf, 1869
- Dotilla intermedia De Man, 1888
- Dotilla malabarica Nobili, 1903
- Dotilla myctiroides (H. Milne-Edwards, 1852)
- Dotilla pertinax Kemp, 1915
- Dotilla sulcata (Forskål, 1775)
- Dotilla wichmani De Man, 1892
- Scopimera bitympana Shen, 1930
- Scopimera crabicauda Alcock, 1900
- Scopimera curtelsoma Shen, 1936
- Scopimera globosa (De Haan, 1835)
- Scopimera gordonae Serène & Moosa, 1981
- Scopimera inflata A. Milne-Edwards, 1873
- Scopimera intermedia Balss, 1934
- Scopimera investigatoris Alcock, 1900
- Scopimera kochi Roux, 1917
- Scopimera longidactyla Shen, 1932
- Scopimera philippinensis Wong, Shih & Chan, 2011[7]
- Scopimera pilula Kemp, 1919
- Scopimera proxima Kemp, 1919
- Scopimera sheni Wong, Shih & Chan, 2011[7]
- Scopimera sigillorum (Rathbun, 1914)
Notae
Nexus externi
Vicimedia Communia plura habent quae ad Scopimeram spectant. |