Hispania Romana

Haec pagina de paeninsula Iberica tempore Imperii Romani explicat. Si civitatem hodiernam quaeris, vide Hispania.

Pagina Hispania Romana historiam, administrationem, culturamque paeninsulae Ibericae tempore Imperii Romani describit.

Historia

Primo Bello Punico confecto (264 a.C.n.-241 a.C.n.) Carthaginienses Hispaniam occupaverunt et urbem Carthaginem Novam (hodie: Cartagena) condiderunt.
Post Secundum Bellum Punicum (anno 201 a.C.n.) regio in potestatem Romanorum redacta est.
Celtiberi, qui dicuntur, per duo saecula Romanis resistebant, anno 19 a.C.n. demum ultima urbs resistens (Amaia) expugnata est.
Augustus e duobus provinciis (Hispania Citerior sive Hispania Tarraconensis et Hispania Ulterior) tres fecit, Hispaniam Ulteriorem in Lusitaniam et Baeticam dividens. Vascones in septentrionibus siti libertatem obtinuerunt.
Romani vias, castra, urbes condiderunt, numerus incolarum accrescebat, lingua cultusque Romanus diffundebatur.
Imperator Vespasianus incolas Hispaniae cives Romanos fecit.
Imperator Diocletianus a provincia Hispania Citeriore duas provincias novas seiunxit, sc. Gallaeciam et Carthaginiensem.
Religio Christiana in peninsula Iberica a saeculo tertio diffundebatur.
Anno 409 gentes Germanicae, Vandali et Suebi, provincias Hispanicas invaderunt, Vandali anno 429 in Africam profecti sunt, Suebi autem in Hispania domicilium constituerunt.
Annis 470 Visigothi regnum condiderunt, cuius caput saeculo sexto Toletum factum est.
Imperium Romanum Orientale regiones hodiernae Andalusiae (tum a Byzantinis provincia Spaniae vocatae) anno 554 recuperavit, saeculo septimo ineunte autem eas denuo amisit.

J. S. Richardson, The Romans in Spain. Oxoniae: Blackwell, 1996. ISBN 0-631-17706-X