Index actorum in pelliculis de Harrio Pottero agentium

Index actorum in pelliculis de Harrio Pottero agentium omnes numerat actores qui personas seriei pellicularum, de serie librorum Ioannae Rowling constantis, egerunt. Daniel Radcliffe, Rupertus Grint, Emma Watson in omnibus pelliculis partes Harri Potteri, Hermionis Granger, Ronaldi Visli tulerunt. Cum illi tres conducti sunt, solus Radcliffe iam in pellicula egerat. Eos in quadro comitantes multi sunt notissimorum actorum Britanniarum Regni et Hiberniae, sicut, inter alios, Helena Bonham Carter, Iacobus Broadbent, Ioannes Cleese, Robbie Coltrane, Warwick Davis, Ralph Fiennes, Michael Gambon, Brendan Gleeson, Richardus Griffiths, Richardus Harris, Ioannes Hurt, Iason Isaacs, Gary Oldman, Alanus Rickman, Fiona Shaw, Margarita Smith, Timotheus Spall, Imelda Staunton, David Thewlis, Emma Thompson, Iuliaque Walters. Adfuerunt actores duodecim ipsam personam ferentes per omnes octo pelliculas.

Nonnulli noti actores Britannici, qui in serie non apparuerunt, interdum iocose rogantur cur non conducti sint. Anno 2007, Davide Yates quintam pelliculam moderante, Gulielmus Nighy, qui iam collaboravit cum Yates tribus eius inceptis televisivis, se dixit cum Yates esse iocatum quod fortasse, Davide Yates moderatore, non futurum esset solum actorem Britanniarum Regni qui partes in Harrio Pottero non egisset. "Sed nemo telephonabat," addidit Nighy.^{[trans 1][1]} Anno 2009 Nighy ironice Rufi Scrimgeour agendi causa conductus est in pellicula septima, ab Yates moderata. Inquit Nighy, "Solus actor Anglicus ab Harrio Pottero absens non iam sum et sum contentissimus."^{[trans 2][2]} Jude Law iocatus est, "Nullus me rogavit. Aliquantulum maior natu eram quam ut partes Harrii ferrem."^{[trans 3][3]} Cum relator doctoris Horace Slughorn obsessionem cum nominibus eminentibus usui seriei "omnium notorum Britannicorum histrionum" composuit, Iacobus Broadbent actor doctoris Slughorn inquit, "Re vera, non histriones omnes advocati sunt. Aliquos novi adhuc exspectantes."^{[trans 4][4]}

Absque Christophoro Columbo, omnes moderatores apparuerunt in una pellicularum quam moderatus est: Alphonsus Cuarón personam magi candelam tenentis in The Three Broomsticks gessit in Prisoner of Azkaban; Michael Newell breviter audiri potest partes annuntiatoris radiphonici domi Frank Bryce tenens in Goblet of Fire; David Yates personam magi in magica movente pictura visi tulit in Order of the Phoenix. David Heyman ordinator^? (Anglice "producer") quoque apparuit personam magi in magica movente pictura agens in DVD tertiae pelliculae, Prisoner of Azkaban.

Index inferus secundum pelliculam personamque distributus est, cum nonnullae personae ab actoribus numerosis actae sint.

Notae:

• (v) indicat actorem cuius vox apparet sola;
• (i) indicat actorem partes iuvenes cuiuslibet personae gerentem;
• (a) indicat actorem qui solum in archivis priorum pellicularum in pellicula apparet.
• Quadrum canum sine nomine actoris indicat personam non in pellicula esse.